No, as ik it dan leaver net mear oer de dea hawwe mei, dan mar oer in oare boech wat fierder sjoen. Wat betsjut tiid fan libben as wy de grinzen foarby tinke? Dizze dagen kom ik dan moai út by Louis Leroy. Sjochst him noch fytsen?

Op syn swarte Fongers mei wapperjende jas en ivich alpinomûtske, op wei nei myn middelbere skoalle oare kant it Hearrenfean, dan wol de oare kant út, troch it Wâld rjochting Ketlik nei Mildaam om dêr by moai én min waar fierder te arbeidzjen oan syn ecokatedraal oan de IJntzeleane. Op wei nei de Albertine Agnesskoalle yn it Wâld kamen wy minstens twa kear lâns syn hûs op ’e hoeke fan de Heideleane, dat wenninkje datst meidertiid fan foaren noch fan siden amper mear ûnderskiede koest tusken it beamtegrien en de selssteapele muorkes mei rûchte op manshichte.… Lês fierder

Tongersdei giene we betiid mei de trein fan Frjentsjer nei Brussel. Wy stapten op yn it tsjuster en stadichoan waard it ljocht. Yn Ljouwert, Zwolle en Breda stapten wy oer. Yn Breda hiene we in healoere skoft, wat betsjutte dat we Starbucks helje koene, want dat hawwe wy yn Fryslân net. Yn alle gefallen gjin Pumpkin Spice Latte. Dus dat koe lang om let wer: it hjerstdrankje mei pompoen. No, it wie goar en ultraswiet, dus dat wie in tsjinfaller.

Wy sieten yn’e trein dy’t de grins oerstuts; it wie bêst drok mei minsken dy’t út Rotterdam of Amsterdam nei Brussel reizgen.… Lês fierder

Op 5 novimber 2024 is it 100 jier lyn dat skriuwer Sybe Sybesma (1924-1986) berne waard. Tresoar hat syn omkesizzer Rint Sybesma frege yn in trijelûk-mei-ynlieding stil te stean by it libben en wurk fan syn omke. Rint Sybesma (Utrecht, 1960) is heechlearaar Sjineeske taalkunde oan de universiteit yn Leiden. Sûnt 2018 publisearret er ûnder it pseudonym Ruerd Smaling gedichten en koarte ferhalen yn it Frysk.

Lês en sjoch fierder by Tresoar… Lês fierder

De metdeling dat De Toan fan met ingang fan november anstaande nyt mear te belústeren falt, is un beslissing wêr’t ik gyn infloëd op hew. Ik haal myn skouders op en skriëf fleurech deur.

Lês fierder by Omrop Fryslân… Lês fierder

Seis signifikante lânskippen

I
In âld man sit
Yn it skaad fan in din
Yn Sina.
Hy sjocht ridderspoar,
Blau en wyt,
By de râne fan it skaad,
Bewegen yn de wyn.
Syn burd beweecht yn de wyn.
De din beweecht yn de wyn.
Allyksa streamt der wetter
Oer ûnkrûd.

Lês fierder by oersetter Klaas van der Hoek… Lês fierder