Ferskynd by útjouwerij Konsenylje:
Emily Dickinson
Smel is it Strân fan ’t Hert
Oardel hûndert fersen oerset troch Klaas van der Hoek
Sjoch foar mear ynformaasje by Konsenylje… Lês fierder
Unwis
Ik haw eagen
want ik sjoch dy
Ik haw earen
want ik hear dy
Ik haw in mûle
want ik patsje dy
Lês fierder by oersetter Klaas van der Hoek… Lês fierder
Ien fan de bêst bewarre geheimen op taalsosjologysk en dialektologysk gebiet yn Fryslân is wol it saneamde ‘Gieters’, it no útstoarne dialekt fan it Nedersaksysk, as migraasjetaal ôfkomstich fan it Oeriselske Gieteren (Giethoorn) en omkriten. Yn 1751 waard it foar it earst troch de earste turfmakkers nei Aldehaske en omkriten meibrocht, yn 2011 is de lêste sprekker yn Lúnbert stoarn. Yn Tusken Talen hawwe wy (Jonkman en Versloot 2008: 101-103) yn it haadstik Gitersk/Stellingwerfsk beide fariëteiten sa’n bytsje mei inoar lykslein. Dochs foarme it Gitersk sa’n twaenheale iuw geografysk in aparte enklave fan in lang lint fan doarpen dat sa’n bytsje rûn fan Ychten, Dolsterhuzen, Sint Jânsgea, Rotsterhaule, Stobbegat (letter Vegelingsoard), Aldehaske, Terbant, Lúnbert, Tsjalbert, Gersleat, De Tynje en (Nij) Beets (sjoch kaartsje).… Lês fierder
Alle jierren komt syn namme foarby: Rely Jorritsma. Fanwegen de literêre priis dy’t er yn it libben roppen hat. Dy priis wurdt hjoed foar de 70e kear útrikt. Mar wa wie Rely Jorritsma?
Net fier fan de tsjerke yn Jellum, dêr’t hjoed de priisútrikking is, stiet it bertehûs fan Jorritsma. Wa’t foar de rintenierswente stiet, sil itselde sjen as wat Jorritsma yn syn jonge jierren sjocht. Omdat it in ryksmonumint is, is der kwealik wat oan it hûs feroare.
Lês en sjoch fierder by Omrop Fryslân… Lês fierder
Ien fan ’e foardielen fan it hawwen en skriuwen fan in kollum is dat je sa no en dan ris kwyt kinne wat jo werklik yn ’e besnijing hat of hân hat, foar in koartere of langere perioade. Eamelje sûnder skamte en wêrom ek net? Faaks hat in oar der ek noch wat oan.
Dit giet oer myn byldzjend keunstnerskip. (It Narreskip fan Jheronimus Bosch … en mar fergees happe nei de koeke). Dit skip is al mear as fjirtich jier ûnderweis en in haven komt noch altyd net yn sicht. Wat dat oanbelanget hat myn keunstnerskip wol oerienkomsten mei it omdoarmjen fan de klassike held Odysseus, jim witte wol, dy fan: gjin Home Run foar Homerus.… Lês fierder
Boeken fan Fryslân skriuwt in ferhalewedstriid út foar lêzers yn it ramt fan it de ferhalejûn BoekFloedBoek dy’t op freed 29 novimber om 20.00 oere yn kafee ‘Herbergh Het Wapen van Friesland yn Easterlittens holden wurdt. Elkenien wurdt fan herten útnûge in koart ferhaal te skriuwen binnen it tema ‘Heech wetter’.
Heech wetter kin fansels frij ynterpretearre wurde. It kin gean oer it wettertij, kinst heech wetter ha ast nedich nei it húske moatst, of miskien stiet it wetter dy finansjeel of mentaal oan ’e lippen ta?
Skriuw dyn ferhaal fan op syn meast 1.000 wurden yn it Frysk of ien fan de Fryske streektalen en stjoer dat, mei dyn namme derby, foar freed 15 novimber nei ferhalewedstriid@boekenfanfryslan.frl.… Lês fierder
Hokker lyts gelok fertsjinnet in grutter ferhaal?
Wat is bysûnder op in fierder deagewoane dei, wat falt ta as alles tsjin liket te sitten, wat bliuwt gelokkich altyd itselde ek al is al it oare yn beweging?
Foar Lyts gelok siket Ljouwert UNESCO City of Literature 100 bysûndere literêre teksten oer dy mominten datst krekt even oars sjochst nei wat der is. Nim ús mei yn de ferwûndering dy’t dy samar oerfalle kin, en beskriuw de lytse freugden dy’t de dei kleurje, de fraksjes fan gelok dêr’tst hast oer stroffelje kinst.
Hokker lytse (ûn)opfallende saken fertsjinje in grutter ferhaal? – dat trouwens hielendal gjin grut ferhaal hoecht te wêzen, mar ek in koartere tekst, gedicht, dialooch, strip, ferske, oertinking wêze mei
Sjoch foar mear ynformaasje by Ljouwert City of Literature… Lês fierder