Besprekken

Rieuwert Krol

De regionale Australyske roman fan no

Pleatst op
logo.ensafh

De nijste roman fan Tim Winton Breath is yn Nederlân al in moanne as acht yn oersetting as Adem yn ’e winkel te krijen. Yn Fremantle, it plak dêr’t Winton wennet en wurket, leinen grutte steapels mei syn hantekening foar 35 dollar (17 euro) yn ’e boekhannel. Winton is in wiere local hero. Hy hat in hiele rige boeken skreaun en begûn al frij fluch mei skriuwen fan romans en ferhalen dy’t goed ferkoften. Dat wie ek nedich want hy moast der fan libje.

Yn West-Australië is it plak dat regionale literatuer ynnimt yn it kulturele libben grutter as yn Fryslân.… Lês fierder

Piter Boersma

Bennie Huisman yn ’e ban fan Eeltsje Halbertsma

Pleatst op
logo.ensafh

Bennie Huisman hat in boek skreaun oer de njoggentjinde ieuske dichter-skriuwer en húsdokter Eeltsje Halbertsma, de dichter fan ûnder oaren it Frysk folksliet en guon fan de alderbekendste lietsjes út it Frysk Lieteboek, sa as ‘de Boalserter merke’, ‘Widzesankje’ , ‘Grouster weagen ‘, ‘It marke’ en ‘Skipperssankje. Hy wie ien fan ’e bruorren Halbertsma, de auteurs fan it ferneamde Rimen en Teltsjes. De Rimen en Teltsjes is in klassiker. De basis foar dat boek waard lein yn 1822 doe’t it lytse boekje De Lapekoer fan Gabe Skroar (goed 30 siden) ferskynde. It soe it begjin wurde fan de opkomst fan de Fryske literatuer.… Lês fierder

Abe de Vries

It ynhâldlik bysûndere fan Fryske literatuer – Oer de krityk op it ‘Wolkeboek’

Pleatst op
logo.ensafh

It ferskinen fan in nije literatuerskiednis kin foar in literatuer in wichtich momint wêze. It is it momint dat de tiid dêr’t sa’n skiednis yn ferskynt, rekkenskip freget oan it literêre ferline dat er beskriuwt. It is it momint dat in aktuele stân fan saken yn de literatuerwittenskip syn ambysjes jilde litte kin foar de bestudearre literatuer oer. It is in momint fan wierheid foar skriuwers, streamingen, tydskriften, tema’s, ideeën. Mar mei in nije literatuerskiednis drukt it hjoed net allinnich syn stimpel op it juster. Dat hjoed besiket – as it goed is, as it hjoed syn taak en funksje folslein ferstiet – ek de wei nei de takomst sjen te litten.… Lês fierder

Edwin de Groot

Mei lawaai is net folle sein

Pleatst op
logo.ensafh

Fan Jan Kleefstra (Akkrum, 1964) is dit jier by de Friese Pers Boekerij de earste Frysktalige gedichtebondel ferskynd: Fragminten.
Kleefstra hat al wat Nederlânsk wurk op syn namme stean en stiet yn it lân regelmjittich as dichter op ‘e planken. Dit û.o. mei broer/gitarist Romke yn in programma mei foardracht en muzyk. Hy neamt syn gedichten fragminten en besiket mei syn poëzy de romte fan de minskelaeze natuer en de sintúchlike delslach dêrfan (…) del te setten. Syn taal is dy fan de ûnrêst, it lege midden, de ferwûndering. Sa seit it omkaft. No, sa minskeleas is dy natuer net.… Lês fierder

Rieuwert Krol

Wat no: wer in konformistyske Riemersma?!

Pleatst op
logo.ensafh

Riemersma is de ferneamdste skriuwer fan Fryslân. Hy wûn mei syn magnum opus De Reade Bwarre de Gysbert Japiks priis en begûn syn karriêre as skriuwer mei Fabryk yn ’ ’e jierren sechtich. Syn hiele oeuvre lang boartet er mei de ferwachtings fan de lêzer. Noch altiten skriuwt er gjin ‘gewoane’ romans, al wolle sommigen hawwe fan wol. En al liket er mei dizze novelle tichter by ‘gewoane’ romans yn ‘e buert te kommen as ea. Op it earste gesicht liket de lêste novelle fan Riemersma in gewoan ferhaal: der wurdt net mei fertelstim, fokalisator of mei oare eleminten út it ferhaal boarte, sa as de lêzer fan Riemersma wend is.… Lês fierder

Piter Boersma

Abe syn missy

Pleatst op
logo.ensafh

(Ek yn Hjir, nr. 4)

‘Zoals ik hier heb geprobeerd aan te geven, bestaat de intrinsieke waarde, de eigenheid zo men wil, van de Friese poëzie daarin, dat zij oplossingen zoekt voor de oppostities tussen traditie en experiment, tussen volkstaal en literaire taal.’ Abe de Vries skriuwt it yn ’e ynlieding fan syn twatalige, yn it foarste plak foar de Nederlânsktalige merk ornearre blomlêzing Het goud op de weg – De Friese poëzie sinds 1880.
Op himsels komt it ferlet om de eigenheid fan ’e Fryske poëzy oan te jaan fansels wei út it idee dat foar it skriuwen fan poëzy yn it Frysk en it oer de grins bringen dêrfan in legitimaasje nedich is en dat dy fûn wurde moat yn hoe’t dy poëzy him ûnderskiedt fan de Nederlânske.… Lês fierder

Eric Hoekstra

Kening Kees en prepostmoderne sjenreopfettings

Pleatst op
logo.ensafh


‘Mar hallo, sei er tsjin himsels, hy wie mei in metafysysk eksperimint dwaande, efkes de kop derby graach.’ (57)

It bart fansels net alle dagen dat in wichtich literêr wurk oan my opdroegen wurdt. Namste nofliker wie it my doe’t ik blêdzjend yn in treflik foarmjûn boek troffen waard troch de opdracht: ‘Dizze útjefte is ta stân kommen mei stipe fan de provinsje Fryslân’. Eh? Och nee, ik fersinde my efkes. Ik bedoel fansels de oare opdracht: ‘Foar Eric Hoekstra, dy’t my op it idee brocht.’

Ja, doe skimere my ek wol wer de e-mail mei it fersyk fan de literator C.… Lês fierder