‘Dat is it moaie fan skriuwen: yn myn holle kin ik alles betinke.’

Hanneke de Jong is berne yn 1952 yn Aldetrine. Doe’t se trije jier wie kaam se yn Sint Nyk te wenjen, har heit waard dêr haad fan de legere skoalle. Hanneke folge de fuotleasten fan har heit, die de Kweekskoalle en waard ûnderwizeres. Har earste baan krige se yn de Betuwe. In jier letter waard se beneamd oan de Hjerre Gerritsskoalle yn Grou. Nei’t se mem wurde wie, stapte se út it ûnderwiis en sette se útein mei de stúdzje Frysk. Letter krige se in baan as learares Frysk en noch letter as meiwurkster kommunikaasje oan OSG Piter Jelles yn Ljouwert.… Lês fierder

‘We can actually improve ourselves by meditating, by connecting to nature and the surroundings.’

Marija Makeska

De Masedoanyske skriuwster en filmmakster Marija Makeska is sûnt 15 septimber yn Fryslân. Sy sil yn it ramt fan it projekt Other Words / Oare Wurden acht wike yn Ljouwert ferbliuwe en dêr ûnder oare wurkje oan it skript fan har nije film: 2027: The Time of the Crystal Children. Marija (1986) is berne yn Skopje. Tusken 2003 en 2015 wenne se yn Detroit (FS) en dêrnei gong se werom nei Skopje. Se skriuwt poëzij en toaniel. Yn 2014 ferskynde har dichtbondel The book of muses.… Lês fierder

Yn it ramt fan it Kulturele Haadstêd 2018-projekt ‘Poetic Potatoes’ wiene de Malteeske skriuwster Rita Saliba (Pietà, 1964) en Leanne Ellul (Malta, 1989), redakteur fan it Malteeske tydskrift Inizjamed en ek skriuwster, fan 22 oant 25 juny 2016 yn Ljouwert. Ik hold op freedtemoarn de 24e in ynterview mei harren yn Post Plaza. Marc Kooij hat in filmke fan Rita makke.

Rita Saliba en Leanne Ellul

What did you do in the past days and what are your plans for the rest of the day?
Leanne: ‘One of the main highlights was the poetry performance related to ‘Poetry in Potato Bags’/’Potatoes go wild’ yesterday evening in Tresoar.… Lês fierder

‘In bern moat him yn it ferhaal weromkenne kinne en moat ek tinke fan: dat soe my ek barre kinne.’

Thys Wadman (1956) is hikke en tein yn Snits, as soan fan Anne Wadman en Hylkje Goïnga. Hy folge de Pedagogyske Akademy yn Snits en wurket sûnt 1979 yn it basisûnderwiis. Fan 1986 ôf wie er haad fan de iepenbiere basisskoalle yn Koudum, no yn Nijhoarne. Yn 2010 ferskynde syn earste ferhaleboek De fûgelklup. Yn datselde jier kaam ek de ferhalebondel De oerwinnings fan Tido Houtsma út. Foar dat boek krige Thys yn 2013 de Simke Kloostermanpriis. Yn 2011 ferskynde De bisteboel fan Omke Roel, ferhalen dy’t Thys makke hat by ferskes fan Hindrik van der Meer.… Lês fierder

‘Yn myn nije boek komt nei foaren dat der in ferrieder west hat yn it Grouster ferset.’

Ulke Brolsma (Grou, 1943) folge de oplieding foar ûnderwizer oan de kweekskoalle op It Hearrenfean en dêrnei de skoalle foar sjoernalistyk yn Utert. Brolsma oppenearre him op lettere leeftyd as skriuwer. Hy begûn mei it skriuwen fan in koart ferhaal ‘It hûs’, dat yn juny 1999 publisearre waard yn it literêr tydskrift Trotwaer. Yn 2000 krige er de Rely Jorritsmapriis foar it ferhaal ‘Ioana’. Dit ferhaal waard yn 2001 folge troch in ferhalebondel mei deselde titel. Yn 2006 ferskynde Een slagje hier en daar: De tsiendeiske fjildtocht fan Hessel Brolsma, in dokumintêre roman oer syn oeroerpake.… Lês fierder

Jelle Burggraaff fertelt oer syn wurk foar Ljouwert-Fryslân Kulturele Haadstêd 2018

‘Wy hoege net te wachtsjen oant 2018, we sjogge no al de effekten fan it winnen fan de titel Kulturele Haadstêd.’

Jelle Burggraaff

Iepen mienskip is it haadtema fan Ljouwert-Fryslân Kulturele Haadstêd 2018. Meiïnoar wurkje oan projekten yn alle stêden en doarpen fan Fryslân, mar ek mei de rest fan Nederlân en Europa. Jelle Burggraaff (Lollum, 1979) is by de organisaasje fan Kulturele Haadstêd 2018 ferantwurdlik foar de ynternasjonale kontakten. Hy reizget hjirfoar ûnder oare eardere en takomstige Kulturele Haadstêden by lâns om kontakten te lizzen en te sjen nei de opset fan de organisaasje yn de ferskate plakken.… Lês fierder