Woansdei 6 maart wie de priisútrikking fan it Bêste Frysktalige Redaksjestik fan gemeente Súdwest-Fryslân. Elts jier ropt de gemeente doarpskranten yn Súdwest-Fryslân op om harren bêste Frysktalige stikken yn te stjoeren. Dêrmei kinne se in moaie jildpriis winne. De redaksje fan Diggelfjoer út Wommels hat it bêste Frysktalige stik skreaun fan 2023. Se winne dêrmei 300 euro. Op it twadde plak is de redaksje fan Diggelfjoer Fjouwer Doarpen (Rien, Itens, Hinnaard, Lytse Wierrum) eindige. Sy winne 200 euro.

Lês fierder by Groot Sneek… Lês fierder

It Nederlands Kinderboekenweekgeschenk 2024 ferskynt foar de twadde kear yn it Frysk. Pieter Koolwijk (1974) skriuwt it boek yn it Nederlânsk. Rymke Zijlstra is frege om de Frysktalige oersetting te fersoargjen.

It is de twadde kear dat it Nederlânsk Berneboekewikegeskink tagelyk yn it Frysk ferskynt. Yn 2022 ferskynde Waanzinnige boomhutverhalen (oarspronklik publisearre yn it Ingelsk) mei in Fryske oersetting fan Martsje de Jong ûnder de titel Healwize beamhutferhalen. Yn 2023 ferskynde der gjin Fryske oersetting, mar yn 2024 dus wol wer.

Lês fierder by It Nijs… Lês fierder

Ina Schroders-Zeeders is dichter fan de moanne maart 2024. Har earste moannegedicht is ‘nu het nacht is / no’t it nacht is’.

Lês en sjoch fierder by RIXT… Lês fierder

Op tiisdei 23 april sit de Steateseal fan it Provinsjehûs wer fol mei swittende minsken dy’t de dikteetekst fan it Grut Frysk Diktee sûnder flaters besykje te skriuwen. Waar- en klimaatsaakkundige Gerrit Hiemstra skriuwt dit jier de dikteetekst.
Ferline jier waard de tekst skreaun troch sjongeres Iris Kroes, doe gie it oer in bepaalde faze yn it libben. Dit jier weaget Gerrit Hiemstra him oan it skriuwen fan de dikteetekst dy’t gean sil oer de ympakt fan it klimaat.

Lês fierder by Omrop Fryslân… Lês fierder

Bûsdoeken mei it fers Bining fan skriuwster Baukje Wytsma (1946-2022) binne te sjen yn de útstalling Threads fan Manchester UNESCO City of Literature.

Tekstyl en triedden binne djip ferweve yn ‘e skiednis fan Manchester. De stêd en de omlizzende stêden waarden lange tiid sjoen as ‘Cottonopolis’, fanwegen de enoarme bydrage oan de katoenyndustry.

Yn de útstalling binne ûnder oare meartalige teksten en tekstyl út UNESCO Cities of Literature Odessa, Reykjavik, Granada, Ljouwert, Wroclaw, Melbourne, Exeter, Nottingham en Manchester sels te sjen.

Lês en sjoch fierder by leeuwardencityofliterature… Lês fierder

Understeande brief, mei ûndertekene troch Gabor Landman út namme fan Stichting European Language Rights en Mirka Antolović -Tipurić, directrice fan Tûmba, kennissintrum foar diskriminaasjesaken, diversiteit en gelikensens, is ferstjoerd nei de direksje fan de ING:

Lês fierder by de Jongfryske Mienskip… Lês fierder