Nijs

23-03-2025: Presintaasje ‘Leafde yn oarlochstiid’ fan Willem Verf

Pleatst op
Reagearje
logo.ensafh

Oan de basis fan dizze novelle lizze de oantinkens fan de mem en de heit fan de skriuwer. Syn âlden krigen ferkearing yn Dútslân, yn ’e oarloch, wylst it Ruhrgebiet heftich bombardearre waard. By biten en brokken fertelden hja har soan letter út en troch oer wat sy yn dy tiid meimakken. Hoe komme minsken dy’t gjin helden binne, dy’t neat hawwe mei ideologyske fiersichten, troch sokke tiden fan fernieling, dea en ûntregeling?
Sa persoanlik as yn dit boek hat Willem Verf boppedat net earder west. De wize wêrop’t hjir nei dy oarloch sjoen wurdt, is oars as dat men wend is – in útdaging foar de lêzer.… Lês fierder

Teleks: Trije nominaasjes foar Simke Kloostermanpriis 2025

Pleatst op
Reagearje
logo.ensafh
De nominaasjes foar de Simke Kloostermanpriis 2025, foar it bêste Frysktalige berneboek fan de ôfrûne trije jier,  
binne bekend.
De nominearre boeken binne:
-De Freon – I.E. Bloem (2023) is de tredde young adult roman fan de skriuwer, dy’t yn 2022 de Simke Kloostermanpriis fertsjinne foar It neidiel fan de twivel. It spannende boek De Freon giet oer in geheim boskfeest yn coronatiid, wylst der yn de buert in oanrander omrint.
-Jelle en juf – Mirjam van Houten (2022) is it tredde berneboek fan de skriuwster en yllustratrise. Foar By Beppe útfanhûs wûn se yn 2022 de Diet Huberpriis. Jelle en Juf bestiet út 25 fantasyrike ferhalen oer absurde situaasjes dy’t Jelle mei syn juf belibbet.
… Lês fierder

Teleks: “As der gjin Fryske boeken mear binne, wurdt it Frysk allinnich noch in sprektaal”

Pleatst op
Reagearje
logo.ensafh

De 90e edysje fan de lanlike Nationale Boekenweek set hjoed útein, mei as tema: ‘Je moerstaal’. As wurden fertroud fiele en personaazjes prate sa as do, dan is dy taal dyn moerstaal.
Foar in soad minsken yn ‘e provinsje is dat it Frysk. Dêrom is it sa wichtich dat der yn ús memmetaal lêzen wurde kin.

Lês en sjoch fierder by Omrop Fryslân… Lês fierder

Teleks: Nasjonaal Boekewikegeskink ‘De krater’ ferskynt ek yn it Frysk

Pleatst op
Reagearje
logo.ensafh

Nasjonaal Boekewikegeskink ‘De krater’ ferskynt ek yn it Frysk

It Nasjonale Boekewikegeskink ferskynt ek dit jier wer yn it Frysk. De Fryske oersetting fan ‘De krater’
is makke troch Jetske Bilker. De kommende Boekewike is de 90e edysje. Foar dizze ekstra feestlike – en ekstra lange – wike lansearre de CPNB in wedstriid foar skriuwers. It winnende manuskript fan Gerwin van der Werf waard úteinlik keazen as Boekewikegeskink foar de Nasjonale Boekewike 2025.
Skriuwer Gerwin van der Werf oer it ferskinen fan it Boekwikegeskink yn it Frysk: “Ik ben heel trots! Dit is geweldig leuk voor de hele familie Van der Werf, afkomstig uit Veenwouden en Leeuwarden, en oorspronkelijk uit Sneek!”… Lês fierder

Teleks: Nominearren Fedde & Martha Bergsma Priis 2025 bekend

Pleatst op
Reagearje
logo.ensafh

Tsjerk Bottema, Broer Jorritsma en Wessel de Vries binne nominearre foar de Fedde & Martha Bergsma Priis 2025. De priis wurdt ien kear yn de trije jier útrikt.

De priis beleannet de bêste Fryske toanieltekst mei in jildbedrach fan € 2.500. Yn oanmerking komme allinich oarspronklik Frysktalige toanielstikken dy’t skreaun binne yn dy perioade. Of it stik al of net opfierd of publisearre is, is net fan belang. Tsjerk Bottema is nominearre mei it stik Paspoart, Broer Jorritsma, mei it stik In saak fan libben en dea en Wessel de Vries mei it stik Thúsblaze.

Lês fierder by de Moanne… Lês fierder