Deputearre Sietske Poepjes jout oan dat it tafersjoch op it fak Frysk op skoallen by de provinsje lizze moat, en net by de Underwiisynspeksje. It ûnderwiis fan it Frysk is op in soad basisskoallen yn Fryslân net goed en in soad skoallen fine it dreech om it fak goed oan te bieden. Dat hat de Underwiisynspeksje skreaun yn in kritysk ûndersyk. Poepjes seit yn in reaksje: “Wy baalden fan de útkomst, wy steane no op in brekpunt dat it oars moat.”
Lês en harkje fierder by Omrop Fryslân… Lês fierder
Fan Waling Dykstra binne mear as 270 brieven bekend; dêrneist binne hast 480 oan him skreaune brieven bewarre bleaun yn Tresoar. De lêste yn it argyf gie op 6 novimber 1913 de doar út, nei de útjouwer fan syn blêd Sljucht en Rjucht. Yn C-mineur: ‘As der gjin middels útfûn wurde om nije lêzers te krijen (mar leafst hjir yn Fryslân) dan wit ik gjin rie mear.’
Lês fierder by Sirkwy… Lês fierder
De poëzykriich fan it Bûsboekje is wûn troch Johannes Dijkman út Burgum foar syn gedicht ‘Longerje’. De oanmoedigingspriis gie nei Nynke Terpstra (18), ek út Burgum, foar har gedicht ‘Wjerljocht’. De prizen waarden útrikt troch kultuerdeputearre fan Fryslân Sietske Poepjes op in gearkomste tiisdei yn kafee Luwt yn Ljouwert.
Lês en sjoch fierder by It Nijs… Lês fierder
Takom jier is it 75 jier lyn dat der in ein kaam oan de Twadde Wrâldoarloch. 75 Jier libje wy no yn frijheid. Wat betsjut dat foar ús? Wat is frijheid presys? Wurdearje wy de frijheid noch genôch? Wat is it effekt fan it frij wêzen foar ús?
Tresoar ropt skriuwers en dichters op om oer it tema ’75 jier frijheid’ ferhalen en gedichten te meitsjen. Wa docht mei?
Lês fierder by Sirkwy… Lês fierder
Jant van der Weg kriget tiisdei de Fryske anjer, de jierlikse kultuerpriis fan it Prins Bernhardfûns. Hja kriget de priis foar har krewearjen foar de Fryske berneliteratuer.
Frou Van der Weg hat in soad dien om Fryske berneboeken om utens bekend te meitsjen. Dat die hja ûnder oaren fia de organisaasje International Board on Books for Young People. Hja hat foar it Frysk Deiblêd jierrenlang resinsjes fan berneliteratuer skreaun. Fierders hat hja ferskate Nederlânske en Ingelske berneboeken yn it Frysk oerset en in biografy skreaun fan Diet Huber.
Anne Wadman liet mei syn wurk fuortdaalks syn grutte ambysjes sjen. Hy tilde sawol yn syn kritiken as mei syn romans de Fryske literatuer op in heger plan. Hy die dat yn syn flymskerpe kritiken yn De Tsjerne, mar ek mei it publisearjen fan taboetrochbrekkende en eksperimintele romans lykas De smearlappen (1963) en De frou yn ’e flesse (1988).
Lês fierder by Sirkwy… Lês fierder
Yn de bondel Nearnewâld stean 44 ferhalen en fersen, dy’t ynspirearre binne op in tekening fan Laurens Bontes. It boek is útbrocht ta gelegenheid fan it fyftichjierrich bestean fan it Skriuwersboun.
Oer it boek:
Libben en dea, leafde en haat, gearwurking en oergeunst, mienskip en iensumens: it is allegear te finen yn Nearnewâld. Der wurdt fochten en frijd, rabbe en swijd, wat dat oangiet is it in plak as alle oare plakken op ’e wrâld.
Omdat It Skriuwersboun fyftich jier bestiet, hat in grut tal Fryske skriuwers en dichters foar harren lêzers dit meartalige Nearnewâld optocht.
Lês fierder by It Nijs… Lês fierder