Skriuwster Lida Dijkstra fan De Knipe hat de Archeon Thea Beckmanpriis wûn. Har roman Schaduw van Toet is ferkeazen ta bêste histoaryske jeugdboek fan it jier.
It boek giet oer farao Toetanchamon en syn healsuster oan it hôf fan de farao’s yn it âlde Egypte. Dijkstra krige de priis om’t har ferhaal Toetanchamon ‘vakkundig en trefzeker’ yn de histoaryske kontekst set.
Lês fierder by Omrop Fryslân… Lês fierder
Fytse yn de rein
Yn de rein op in simmerske snein
fytst Newton in wedstryd tsjin Einstein
Newton kin op ’e crosshybride
mei minimale wriuwing ride
dy teory is lang net dom
en by de helling, tink derom
fljocht er op ’e sweef omheech
want hy wit: massa is dreech
Lês fierder by Dichter fan Fryslân… Lês fierder
Oprop: TRYATER SIKET SKRIUWERS
Fan oktober oant en mei desimber giet Tryater by sân Fryske fanfares del foar de foarstelling Ynblaze. In unike gearwurking tusken lokale amateur-muzykferieningen en Tryater. By de foarstelling wurdt der in oanfoljend programma (Tryater Rûnom) organisearre foar ynteressearre skriuwers. Besjochst de foarstelling en dochst mei oan in skriuwworkshop.
Wat we dwaan sille.
As dielnimmer fan dizze workshop giest yn petear mei muzikanten fan Fryske fanfares. Wêrom giet immen alle wiken nei de repetysje? Wat driuwt him of har? Yn tarieding nei Ynblaze ta hawwe skriuwer Wessel de Vries en regisseur Tatiana Pratley lyksa yn petear west mei in tal fanfareleden.… Lês fierder
It ritme fan RIXT – 50 selektearre gedichten fan it Frysk dichterskollektyf RIXT
Yn 2023 bestiet it Frysk dichterskollektyf RIXT fiif jier. Yn maaie 2018 kaam in groep dichters byinoar en waard de namme fan de ferneamde Fryske dichteresse Rixt (1887-1979) keazen foar it kollektyf dat de poëzy yn Fryslân oars op de kaart sette woe. Op dit stuit nimme mear as fyftich dichters diel oan RIXT. De measte fan harren skriuwe yn it Frysk, mar der sitte ek Nederlânsktalige dichters by it kollektyf en guon dy’t yn Fryske streek- of stedstalen publisearje.
De bondel ferskynt op 1 oktober 2023 en de presintaasje is ûnderdiel fan in middei en jûn mei sa’n 30 dichters, muzyk en dûns.… Lês fierder
De Nije Bildtse Post hâldt fuortendaalks op. Utjouwer Pieter Jan Heidstra naam it blêd twa jier lyn oer en makke fan in wykblêd in krantsje dat ien kear yn de moanne útkaam. Heidstra moat no tajaan dat it finansjeel net út kin.
“It wie gjin maklik beslút. As ik der saaklik nei sjoen hie, wie ik yn jannewaris al ophâlden, mar ik bin in wâldpyk en ik haw in hekel oan belies jaan. Ek foar de minsken fan de redaksje woe ik troch, dy rekkenje op je”, seit Heidstra.
Likegoed it tal lêzers yn it ferspriedingsgebiet as it tal advertearders is te lyts.… Lês fierder
“Jetske Bilker hat mei Spegel en sonde in fakkundich literêr wurkstik ôflevere. Se bringt dêryn it tema deminsje tige betûft tepas om de algemiene delgong fan in haadpersoan te beskriuwen dy’t har libben op leagens en yllúzjes boud hat en alhiel ferslacht yn ’e rollen dêr’t se yn twongen is of dêr’t se harsels yn avensearre hat. Dêrby ferbynt se op in yntrigearjende wize in suver klinyske analyze mei in flotte fertelstyl en in fine humor.”
Dit sitaat komt út it sjueryrapport en giet oer de roman Spegel en sonde fan Jetske Bilker, dy’t dêrmei dit jier de Gysbert Japicxpriis wint.… Lês fierder
Oud-gedeputeerde in Friesland Sietske Poepjes bepleit in haar nieuwe boek het vieren van de regionale eigenheid. ‘Een zelfverzekerde eigenheid kan werken als vaccinatie tegen gevoelens van onmacht. Doordat we onze wortels kennen, zijn we niet bang voor andersdenkenden.’
Bij café De Zwaan in Makkum is het goed vol met zomerfietsers. Buiten het seizoen is het café de stopplak voor de Friezen. Kaartje leggen, kletse, biljarten én schrijven. Afgelopen zomer en najaar zetelde Sietske Poepjes (44) regelmatig in een hoekje van het bruine café om er te werken aan haar boek over het belang van regionale culturen Eigenheid. ‘Ik had nooit gedacht dat ik schrijven zó leuk zou vinden.… Lês fierder