As wittenskiplik ynstitút hat de Fryske Akademy al sûnt syn oprjochting leden. Akademyleden binne persoanen fan rûnom op ‘e wrâld, dy’t dy ûnderskieding wurdich binne op grûn fan fertsjinsten op it mêd fan de Fryske wittenskip, fertsjinsten foar de Fryske kultuer, of in grutte, oanhâldende niget oan de wittenskip of foar de Fryske kultuer yn it algemien.

Lês fierder by It Nijs… Lês fierder

Syn funksje as projektlieder fan it Mercator Europeesk Kennissintrum foar Meartaligens en Taallearen brocht Cor van der Meer de hiele wrâld oer. Tweintich jier lang sette er him yn foar regionale en minderheidstalen en brûkte dêr graach de Fryske situaasje by as in laboratoarium fan meartaligens. Koartlyn is er mei pensjoen gien.

Jelske Dijkstra (boarne: Fryske Akademy)

Cor van der Meer hat syn taken oerdroegen oan frou dr. Jelske Dijkstra, dy’t al jierrenlang as ûndersiker ferbûn is oan sawol it Mercator Europeesk Kennissintrum as de Fryske Akademy.

Lês fierder by It Nijs… Lês fierder

Alle jierren wurdt troch de UNESCO op 21 febrewaris de Ynternasjonale Dei fan de Memmetaal fierd. De dei stiet yn it teken fan it taalkundige en kulturele ferskaat en de meartaligens.

Foar de UNESCO binne talen it ynstrumint om it kulturele erfgoed libben te hâlden. Troch de memmetaal yn eare te hâlden, bliuwt de taalkundige en kulturele tradysje bestean en, wurdt men him mear bewust fan de ferskillen tusken de ferskate minskegroepen. Dat soe ta mear begryp liede.

Lês fierder by It Nijs… Lês fierder

De zaterdag feestelijk geopende expositie It hâldt de siken yn met werk van 20 kunstenaars, onder wie Alie Hoogterp (Noardeast-Fryslân) en Gerhild van Rooij (Tytsjerksteradiel), eert schrijfster Aggie van der Meer (1927-2023). Ruim honderd belangstellenden luisterden naar toelichtingen, vocaal ensemble Aquilo, ‘Aggie’ raak getypeerd door vriendin Syl, en zagen Aggie in de Fryslân Dok-documentaire ‘Gysbert Japicx prijswinnaar’ (2019).

Lês en sjoch fierder by rtvnof… Lês fierder

Foar it twadde jier organisearje wy in kursus Poëzy Skriuwe yn kafee De Gouden Leeuw by Tresoar. De kursus is útsmard oer fjirtjin jûnen en wurdt fersoarge troch sân dichters dy’t oansletten binne by RIXT. Yn april hâlde wy in ôfslutende literêre jûn, iepen foar publyk, dêr’t de kursisten de gelegenheid krije om wurk dat se foar de kursus skreaun hawwe foar te dragen.

Lês en sjoch fierder by RIXT… Lês fierder

Meindert Talma (Surhústerfean, 1968) skriuwt it Frysk Kadoboek 2024. Yn 1999 debutearre hy mei de autobiografyske roman ‘Dammen met ome Hajo’, dy’t yn 2022 by útjouwerij Regaad yn it Frysk ferskynde. Twa jier nei syn debút brocht er tegearre mei Nyk de Vries in samling fraachpetearen út ûnder de titel ‘De Blauwe Fedde yn petear’. Yn 2003 ferskynde fan him de roman ‘Kriebelvisje’. Dêrop folgen de dichtbondel ‘Laat het orgel jammeren’ (2011) en de romans mei muzykalbums ‘Kelderkoorts’ (2013), ‘Je denkt dat het komt’ (2017) en ‘Gezinsverbijstering’ (septimber 2024).

Lês fierder by Boeken fan Fryslân… Lês fierder