Stedsdichter Marrit Jellema fan Ljouwert hat har earste gedicht mei fideo útbrocht. It hjit ‘Geen Ode Zonder Pijn’.
Omdat it 15 jier lyn wie dat Ljouwert foar it lêst in stedsdichter hie, is it wol bysûnder dat der no wer in gedicht makke is, mei fideo. Oan de ein fan it filmke stelt Jellema harsels foar en jout se oan dat se de kommende twa jier poëzy en spoken word mear sichtberheid jaan wol.
Lês en sjoch fierder by Omrop Fryslân… Lês fierder
Wat is der nedich om de kwaliteit fan de Frysktalige sjoernalistyk te ferbetterjen no’t nije generaasjes sjoernalisten de Fryske taal minder goed yn de macht hawwe? Dy advysfraach krige DINGtiid yn april 2023 fan de ministearjes fan BZK en OCW, as gefolch fan in troch de Twadde Keamer oannommen moasje út desimber 2022.
Yn ús advysbrief oan BZK en OCW skriuwe wy dat it ferlet fan it ferstevigjen fan de Frysktalige sjoernalistyk út ferskate hoeken wei komt. Media, Provinsje Fryslân, ûnderwiis- en taalynstellingen binne al yn petear om yn dat ferlet te foarsjen en sette yn op in minor Frysktalige sjoernalistyk.… Lês fierder
Pieter Koolwijk skriuwt dit jier it Berneboekewikegeskink foar de lanlike Kinderboekenweek 2024. Foar de twadde kear yn de skiednis fan de Kinderboekenweek sil yn opdracht fan Boeken fan Fryslân in Fryske fariant ferskine fan dat geskink. It tema fan de nasjonale Kinderboekenweek is dit jier ‘Lekker eigenwijs’.
Lês fierder by Boeken fan Fryslân… Lês fierder
It bestjoer fan de letterefakulteit fan de Ryksuniversiteit Grins hat besletten om mei yngong fan 2025 op te hâlden mei de bachelorstúdzje ‘Minorities & Multilingualism’ (minderheden en meartalichheid). It Frysk wie dêr sûnt 2012 in ûnderdiel fan as ‘Frisian track’.
Dochs is it net de bedoeling dat it Frysk ferdwynt op universitêr nivo. Koartlyn sei minister Robbert Dijkgraaf fan Underwiis 340.000 euro ta foar in stúdzje Frysk. Hy en de Twadde Keamer fine dat in stúdzje beskikber bliuwe moat en sichtberder wêze moat.
Lês fierder by Omrop Fryslân… Lês fierder
‘: in Pauper Poëzy Punk Party mei poëzy, sounds, songs, lûd & bylden’
‘Liet fan Mysels’ is it nije boek fan dichter/oersetter Lubbert Jan de Vries en is in Fryske oersetting fan ‘Song of Myself’ fan Walt Whitman (1819 – 1892, USA).
Wy litte ús Barbaarske gjalp klinke oer de dakken fan ‘e wrâld! Wy komme mei wurden, muzyk, bylden en lûden, net foar de oerwinners, wy sprekke en spylje wol foar de minsken dy’t oerwûn en delslein binne.
Sûnder ein is dêr de rûmte en it paad op 13 april yn Jellum. Gjin wachtpost kin ús opkeare en gjin wet ús keare, want it weidûken en ôfwizen ha wy no al lang genôch dien!… Lês fierder
Marrit Jellema is de nije Stedsdichter fan Ljouwert. Oant jannewaris 2026 skriuwt se oer Ljouwert en reflektearret se op wat der libbet. Hja jout wurden oan wichtige barrens yn ’e gemeente Ljouwert en oan it gefoel dêroer.
Kultuerwethâlder Hein Kuiken makke tiidsdeitejûn yn ’e Westertsjerke de namme fan de nije Stedsdichter buorkundich. Hja waard troch in fiifkoppige sjuery keazen. De sjuery wie it by einbeslút iens oer de kar, stiet yn it sjueryrapport: ‘Marrit joech in útfiering by de sollisitaasje dy’t in protte yndruk makke. Lykas in sjuerylid sei: “Hja azemet poëzy.”’ Dêrneist presintearre se in wiidweidich plan om wurdkeunst/poëzy tichter by ferskate doelgroepen yn ’e gemeente Ljouwert te bringen.… Lês fierder
Dichter Jacobus Quiryn Smink is ferstoarn. Yn 2013 krige er de Gysbert Japicxpriis foar syn bondel Sondelfal. Smink is 69 jier wurden.
Smink waard berne yn 1954 yn Sondel. Hy wie boeresoan en kaam út in húshâlding fan njoggen. Hy folge de stúdzje Nederlânsk oan de learare-oplieding yn Grins. Nei syn ôfstudearjen ferhuze er yn 1980 nei Brabân.
Sûnt 1983 wenne er yn Eindhoven dêr’t er wurke as dosint Nederlânsk.
Lês fierder by Omrop Fryslân… Lês fierder