Tresoar hat tweintich âlde, Fryske kroniken online trochsykber meitsje litten. Dat is dien binnen it lanlike projekt ‘Chronicling Novelty’. Foar in part is dit automatysk dien mei AI-techniken.
In kronyk is in gronologysk ferhaal of in samling notysjes mei histoaryske feiten. In soarte deiboek dus, dêr’t de auteur yn opskreaun hat wat er wichtich fûn.
Lês en sjoch fierder by Omrop Fryslân… Lês fierder
Subsydzjes foar kultuer moatte better ferdield wurde oer it lân. Dat fynt de Raad voor Cultuur.
Op dit stuit krijt it westen de measte stipe en wurdt de rest fan it lân achtersteld, sa konstatearret de ried. Der moat ek ekstra jild nei kultuer: 200 miljoen euro.
“De cultureel sterke regio’s worden steeds sterker, terwijl in andere regio’s de kansen en voorzieningen juist afnemen”, skriuwt de ried yn in advys foar in nij subsydzjestelsel. Dat advys is makke op fersyk fan de ferantwurdlik steatssekretaris.
Lês fierder by Omrop Fryslân… Lês fierder
Gerard de Jong is unanym keazen as nije foarsitter fan it Europeesk Buro foar Lytse Talen (EBLT). Hy folget ynterim-foarsitter Jelle Bangma op. De Jong wennet yn Ljouwert en is meartaligenskoördinator fan de gemeente Waadhoeke. Earder wie er haadredakteur fan De Bildtse Post.
Lês fierder by It Nijs… Lês fierder
Dekaan Thony Visser fan de Ryksuniversiteit Grins is wiis is mei it KNAW-rapport ‘De toekomst van de frisistiek’. Visser wol ûndersykje oft de stúdzje Frysk ek in plak krije kin op Campus Fryslan fan de RUG yn Ljouwert.
Se is hjiroer yn petear mei it ministearje fan Underwiis en de Fryske Akademy. “Mei de nedige finansiering en ekspertize is in soad mooglik en wurd ik ek entûsjast foar de frisistyk, want it is in moai fak. Net eltsenien leaut it, mar de universiteit fan it Noarden hat in waarm hert foar it Frysk.”
Lês fierder by Omrop Fryslân… Lês fierder
Hâldst fan taal en hast nocht om mei wurden en ritme te boartsjen? Doch dan op de Lanlike Gedichtedei mei en skriuw dyn eigen rap ûnder lieding fan KUÒ. As hiphopartyst stiet Kuo Weh Ho ûnder syn artystenamme KUÒ geregeld op festivals. Dit jier ferskynde syn album ‘Noorderlicht’ yn gearwurking mei Poelier.
KUÒ boartet op in filosofyske manier mei wurden en makket oneliners mei djipgong. Yn syn workshop krijst tips and tricks foar in pakkende tekst en hoe’tst dy oan it publyk oerbringst.
Lês fierder by Tresoar… Lês fierder
No freedtemiddei: Fremibu yn Kafee Wouters! Elk dy’t wat mei literatuer hat of docht is wolkom!
26 Jannewaris 16.30-18.15 oere. Sophialeane 5, 8911 AE Ljouwert
Hast in begjinkursus Proazaskriuwen foar bern folge? Lit it skriuwen fan in moai ferhaal of miskien in boek dy net los? Dan is de kursus Berneproaza foar trochsetters grif wat foar dy! De kursus wurdt jûn troch Hanneke de Jong.
Want skriuwen is trochsetten, om dat watst yn ‘e holle hast yn goede wurden en sinnen op it papier te setten. It helpt om dat earst mei oaren te dwaan en der begelieding by te hawwen.
Hoe sjocht dy kursus der dan út?
De seis lessen wurde yn twa stikken ferdield. Yn it earste oere geane wy mei-inoar oan ‘e slach en wurkje oan swierrichheden dy’t de kursisten opstjoerden yn harren wurk.… Lês fierder