Skoalbern út groep 7 en 8 fan basiskoalle De Blinker yn Boalsert krigen dichtles yn it Frysk. Mei de les hopet Tresoar safolle mooglik bern oan it dichtsjen te krijen, dêrom reizgje meiwurkers skoallen del.
Learlinge Sanne Balk fynt dat dichtsjen noch net sa ienfâldich: “Je moet heel veel woorden weten en bekijken waar ze moeten staan en hoe ze moeten staan.” In gedicht is neffens Sanne goed as it in koarte tekst is, mar it wol rekket.
Lês, harkje en sjoch fierder by Omrop Fryslân… Lês fierder
De eineksamens binne foarby. Op de lêste dei stie tiisdei ûnder oare it eksamen Frysk foar vmbo, havo en vwo noch op it programma. En ek dit jier wiene der wer mear learlingen dy’t it eksamen ôfleinen as it jier derfoar.
“Ik ha der wol in goed gefoel oer”, is it earste dat Jeska Groen seit wannear’t se klear is mei har eksamen. Se sit yn 6 vwo en hat krekt trije Fryske teksten mei fjirtich fragen trochwraksele.
Lês en sjoch fierder by Omrop Fryslân… Lês fierder
Muzikant Marius de Boer is nei in koart siikbêd stoarn. De út Stiens ôfkomstige De Boer waard ferneamd as mei-oprjochter en frontman fan Reboelje en wurke de ôfrûne jierren noch as solo-artyst. Hy is 62 jier wurden.
Sûnt inkelde wiken wie De Boer siik, dochs komt syn ferstjerren ûnferwachts. Ein jierren santich, begjin jierren tachtich, begûn De Boer mei bands as Elected en Ambassador Betterhead. In pear jier letter seach Reboelje it libbensjocht, wêrmei’t De Boer ûnder oare yn it bûtenlân toerde.
Lês en sjoch fierder by Omrop Fryslân
Op 2 juny iepenet Lutz Jacobi de miny-eksposysje ‘Iisbaan yn ’e maaitiid’ op it Gemeentekantoar fan Ljouwert. It is dêrmei ek de iepening fan de nije keunst-fytsrûte by tolve iisbanen lâns.
Lutz is foarsitter fan ‘Fietsplatform Nederland’, in organisaasje dy’t de belangen fan de rekreative fytser behertiget. In nije fytsrûte om it tema iisbanen hinne slút dêr goed by oan. De eksposysje bliuwt de hiele moanne juny sichtber en de rûtes fine jo yn it fergeze boekje ‘Iisbaan yn ’e maaitiid’ en online fia www.iisbaankeunstrute.frl.
Gedichten, skilderijen en foto’s
Trije fytsrûtes, fan 98 kilometer, 68 kilometer en 56 kilometer, liede jo by tolve iisbanen yn Fryslân lâns.… Lês fierder
Dichter, skriuwer Syds Wiersma krige justerjûn yn kafee De Gouden Leeuw yn Tresoar de measte publyksstimmen yn de finale fan de Fryske SLAM! Dêrmei waard hy de bêste Poëzijslammer fan Fryslân. Jens de Vries waard twadde.
Foar Syds Wiersma wie it de earste kear dat er meidie oan in poêzij slamwedstriid: ‘It wie moai om yn de finale te stean en mei Jens te slammen. Wy reagearren goed op inoar. It wie hast magysk.’
Lês fierder by Dichter fan Fryslân… Lês fierder
Op freed 2 juny iepenet Tresoar yn Kafee De Gouden Leeuw in lytse útstalling mei portretten fan Fryske skriuwers, dy’t Henk Kuiper (1943-2005) yn de jierren ‘70 makke hat. By de iepening presintearret soan Elmar Kuiper syn nije dichtbondel Earthskin: in blomlêzing mei gedichten dy’t oerset binne nei it Ingelsk.
Ein 2020 krige Tresoar de foto’s en negativen mei portretten fan Fryske skriuwers en ôfbyldings fan Frysk-literêre barrens, makke troch Henk Kuiper yn de jierren 1973-1984. De literêre fotokolleksje fan Kuiper bestiet út sa’n 150 portretten, dêr’t no sa’n 30 fan tentoansteld wurde. Oer de portretten sei Kuiper yn in fraachpetear mei Douwe Kootstra yn De Strikel fan febrewaris 1983: ‘It moat goed lykjend wêze.… Lês fierder
Ihr Werk »The Hill We Climb« war das Highlight der Inauguration von Joe Biden. Doch Grundschüler in Florida dürfen das Poem in den Schulräumen nicht mehr lesen – die Autorin ist »schockiert«.
Lês fierder by Spiegel Online… Lês fierder