Rjochtspersoanen mar ek net-rjochtspersoanen sûnder kommersjele ynstek kinne subsydzje oanfreegje foar Ynternasjonale kontakten. It giet om útwikselings en kulturele aktiviteiten dy’t organisearre wurde tusken jonge Frysktaligen en Europeeske minderheidstaalgroepen. Der kin oanfrege wurde troch bygelyks skoallen (fuortset ûnderwiis, mbû, hbû), jonge teätermakkers, jonge skriuwers, jonge sjoernalisten, jonge filmmakkers, jonge dichters en jonge muzikanten. De regeling is iepen fan 3 april 2023 oant en mei 26 oktober 2023. It subsydzjeplafond is € 20.000,-.

Sjoch foar mear ynformaasje by Provinsje Fryslân… Lês fierder

Dit jier fiere we de 2000ste jierdei fan Plinius de Aldere (23 nei Kristus-79 nei Kristus), dy’t as ien fan de earsten it Waadlânskip beskreau. Ta gelegenheid dêrfan organisearje it Keninklik Frysk Genoatskip, de Fryske Akademy en Tresoar in Sieperda-sympoasium oer 2000 jier Friezen en har lânskip. De dynamyk tusken lânskip, natuerbelibbing en identiteit wurdt dêrby yn histoarysk perspektyf set en út ferskillende gesichtspunten wei beljochte.

Sprekkers binne:
-Simon Halink (ynlieding op it sympoasium)
-Anne Popkema (Plinius oer Fryslân)
-Han Nijdam (Lichem en lânskip yn Fryslân)
-Mark Raat (Uytmaelen ende tot goed landt maecken)
-Mans Schepers (Cancelling Plinius?)
-Otto Knottnerus (Waadeilân – erfenis fan de romantyk)
-Jeroen Wiersma (Kai Bouma en it feangreidegebiet)
-Rymke Schuurmans (Ekokrityk yn de poëzy fan Obe Postma)

De lêzingen wurde opnaam yn it jierboek De Vrije Fries 2023.… Lês fierder

Drie vragen over diversiteit in de kunsten Culturele instellingen in de Basisinfrastructuur (bis) worden in de volgende subsidieperiode streng gehouden aan de code Diversiteit & Inclusie. Maar hoe meet je dat? En wat betekent dit voor de artistieke vrijheid?

Lês fierder by de NRC… Lês fierder

Troch de boektydskriften fan Yung Frysk kin elkenien yn ’e kunde komme mei de persoanlike ferhalen fan jongelju yn Fryslân. Alle moannen ferskynt der in nij ferhaal yn it Frysk, Ingelsk of Nederlânsk. Dy ferhalen meitsje maatskiplike tema’s besprekber yn de klasse, mar ek fia de sosjale media Insta, Tiktok en Youtube fan Yung Frysk. Krekt ferskynd yn de rige boektydskriften is it ferhaal fan Tadese út Eritrea: ‘Als er niets te kiezen is’.

Sjoch foar mear ynformaasje by It Nijs… Lês fierder

De nije Letterhoeke fan Tresoar stiet online. Klik hjir foar it nijste nûmer (pdf)… Lês fierder

De ôfdielingen Frysk fan de universiteiten fan Grins en Amsterdam en hegeskoalle NHL Stenden yn Ljouwert komme mei in nije langrinnende kampanje om mear studinten te lûken.
De trije ûnderwiisynstellings wolle mear gearwurkje om mear bekendheid te jaan oan de ferskate manieren wêrop’t minsken Frysk studearje kinne yn Ljouwert, Grins en Amsterdam.

Lês fierder by Omrop Fryslân… Lês fierder