Ina Schroders-Zeeders is dichter fan de moanne jannewaris 2023. Schoteltje is har earste moannegedicht.
Lês en sjoch fierder by RIXT… Lês fierder
Teleks: Earste moannegedicht jannewaris Ina Schroders-Zeeders op RIXT
Reagearje
Nijs
Aginda 22-01-23: Iepening gedichterûte Spannum en lêzing Waling Dijkstra
Op snein 22 jannewaris 2023 sil yn Spannum de gedichterûte dy’t yn it teken stiet fan Waling Dijkstra iepene wurde. Dêrnei fersoargje Abe de Vries en Bert Looper yn Us Gebou in lêzing oer it libben fan Waling Dijkstra en wat er foar de Fryske taal en toanielkultuer betsjut hat.
Yn febrewaris 2022 hat Team Waling Dijkstra in gedichtekriich útskreaun foar it hiele doarp. Wa kin, krekt as Waling Dijkstra om 1850 hinne dien hat, in gedicht meitsje dat de skjintme fan de natuer by Spannum beskriuwt. Der kamen moaie fersen yn, mar it gedicht ‘Belibje’ fan Yfke Bakker-Feenstra sprong der boppe-út.… Lês fierder
Aginda 29-01-23: Fryske gedichtemiddei mei de nije blomlêzing fan Tsead Bruinja en muzyk fan Hiske Oosterwijk
Tsead Bruinja, de man dy’t ‘Dichter des Vaderlands’ west hat, hat 101 gedichten út it Keninkryk fan 1945 oant no gearstald yn ‘De eerste bloemlezing van de Nederlandse poëzie’.
Wy sille yn petear mei Tsead oer it wêrom fan it boek, mei in seleksje fan de Fryske bydragen dy’t yn it boek steane. Ek binne de stimmen fan Fryske dichterskanonnen lykas Tiny Mulder en Tsjêbbe Hettinga te hearren. De presintaasje is yn hannen fan Doete Stenekes.
Sjoch foar mear ynformaasje by Sirkwy… Lês fierder
Teleks: Skriuwster Baukje Wytsma (76) út Reduzum ferstoarn
Skriuwster Baukje Wytsma út Reduzum is tongersdei ferstoarn oan de gefolgen fan hertproblemen. Sûnt mids santiger jierren skreau Wytsma ûnder mear gedichtebondels, berneboeken, toanielstikken en lieten yn de Fryske taal. Dêryn komt in ferskaat oan maatskiplike ûnderwerpen oan de oarder.
Wytsma debutearre yn 1976 mei it berneboekje Romke Timen Tomke en oare opsizferskes. Yn 1980 ferskynde har earste bondel mei persoanlike poëzy Noch ien slach om ‘e buorren. De poëzy hat har belangrykste stylfoarm west. Langstme nei har bertegrûn en ek de dea binne wichtige tema’s yn har wurk.
Lês fierder by Omrop Fryslân… Lês fierder
Aginda 18-03-2023: Literêre jûn mei Lize Spit
Boeken fan Fryslân organisearret op sneon 18 maart 2023 in literêre jûn mei de skriuwer fan it nasjonale Boekenweekgeschenk 2023 Lize Spit yn dbieb yn Ljouwert.
Spit wûn yn 2016 de Bronzen Uil foar it bêste Nederlânsktalige debút foar har boek ‘Het smelt’. Foar datselde boek ûntfong sy ek de earste Hebban Debuutpriis. Ein 2020 ferskynde har twadde roman ‘Ik ben er niet bij’.
Sjoch foar mear ynformaasje by Boeken fan Fryslân… Lês fierder
Aginda 26-01-2022: Lansearring Operaesje Fers
In telefoannûmer draaie en dan in gedicht hearre, wie jierren lang hiel populêr. Operaesje Fers waard ynternasjonaal nijs doe’t in groepke Fryske dichters der yn 1968 mei begûn. It wie de earste dichterstillefoan op ‘e wrâld. Tsjintwurdich ha wy Google en YouTube. Yn ús Kafee De Gouden Leeuw is it mooglik om in seleksje fan de gedichten dy’t oait te hearren wiene oer de telefoan, opnij te beharkjen.
Op tongersdei 26 jannewaris nimme wy de dichterstelefoan yn gebrûk! By de feestlike presintaasje fan de dichterstelefoan mei alle poëzy fan Operaesje Fers – op ‘e nij digitalisearre – sil Syds Wiersma fan it Frysk Film & Audio Argyf, dichters út it ferline freegje nei hoe’t dat yn dy tiid gie en bysûndere opnames hearre litte út it argyfmateriaal fan Operaesje Fers.… Lês fierder
Teleks: Earste moannegedicht by RIXT fan Syds Wiersma: ‘lette hjerst’
Syds Wiersma is de moannedichter fan desimber 2022 by RIXT. Syn earste moannegedicht is ‘lette hjerst’.
lette hjerst
yn ’e hjerst kin ik skriuwe
as skriuwen ôfstjerren is
oant it mei sizzen in skraal
leavjen wurdt
ik snoei ferwyldere ynjouwings werom
behimmelje myn eagen wyld yn ’e kop
fan te lange dagen
Lês fierder by RIXT… Lês fierder