Nijs

Teleks: Oprop gedichten oer it tema Taal

Pleatst op
Reagearje
logo.ensafh

As it troch finansjele stipe mooglik makke wurdt, sil Frysk en Frij yn 2025 in sammeldichtbondel útjaan mei lyryk oer it tema: Taal. Oarspronklike fersen dy’t net earder publiseard binne en gjin oersettingen fan oaren.

Dat tema Taal is heel breed – gelukkich. Sa kinne je út ’e romte tarre.
Foar guon dy’t ferlet ha fan ôfbeakening fan dat universum hjir wat suggestjes:
Memmetaal, Leafdetaal, Oarlochstaal, Taaldiskriminaasje, Taal en macht, Minderheidstaal, Bernetaal, Tongetaal, Geheimtaal, Lichemstaal, Taal en identiteit.
Mear ideeën? Lit it ús witte

Lês fierder by Frysk en Frij… Lês fierder

Aginda 13-12-2024: Presintaasje dichtbondels Gerrit de Vries en Elmar Kuiper

Pleatst op
Reagearje
logo.ensafh

FERLOSBOARTSJE EN HÛNGERSTIEN

Hjirby nûgje Elmar Kuiper en Gerrit de Vries jimme út foar harren bondelpresintaasje op freed 13 desimber, yn de Gouden Liuw, yn Tresoar. De middei wurdt muzikaal oanklaaid mei in optreden fan Martijn van Limbeek.

Elmar en Gerrit kenne inoar fan de legere skoalle. Se kamen by inoar oer de flier en makken lange fjildtochten troch it Marsumer Aldlân en de Menamer Mieden. Se holden in soarte fan deiboek by, dêr’t se harren aventoeren yn opskreaunen.
Gerrit de Vries debutearre yn 2019 mei de bondel Unlân. Yn Hûngerstien sjocht de dichter it libben yn ’e eagen. Syn gefoelichheid is de oare kant fan ’e medalje, mar as dy oan bod komt, bart dat yn alle earlikheid: sûnder moederaasje.… Lês fierder

Aginda 30-11-2024: Presintaasje ‘De reis fan it famke’

Pleatst op
Reagearje
logo.ensafh

Op sneon 30 novimber 2024 is yn Museum Dr888en de presintaasje fan it boek De reis fan it famke. De susters Catharina en Hilleke Lautenbach ha dit mearke skreaun (Catharina) en de illustraasjes makke (Hilleke). It boek is in aventoerlik mearke dat in laits opropt én yn it moed taastet. Foar jong en âld en elkenien dy’t fragen hat oer it doel fan de syktocht yn it libben.

Sjoch foar mear ynformaasje by Utjouwerij DeRyp… Lês fierder

Teleks: Albert Walsweer bysûnder lektor Fryske Taal en Kultuer by NHL Stenden

Pleatst op
Reagearje
logo.ensafh

NHL Stenden beneamt mei yngong fan 1 jannewaris 2025 Albert Walsweer ta bysûnder lektor Fryske Taal en Kultuer. It lektoraat is ta stân kommen yn gearwurking mei de Provinsje Fryslân en is ynsteld om de doelstellings fan it belied Taalplan Frysk 2030 mei stal te jaan. It bysûnder lektoraat makket ûnderdiel út fan it lectoraat Meertaligheid en Geletterdheid fan NHL Stenden.

Albert Walsweer hat in brede ûnderfining yn it ûnderwiis. Hy wurke as learaar, as ûnderwiisadviseur by ECNO en as ûndersiker en associate lector yn it lectoraat Meertaligheid en Geletterdheid. As lektor sil hy, yn ’e mande mei oaren en yn opdracht fan de Provinsje Fryslân, op ’e praktyk rjochte ûndersyk dwaan en him rjochtsje op de fraach hoe’t skoallen de Fryske taal en kultuer op in tagonklike en ynspirearjende manier ferwurkje kinne yn har kurrukulum, sadat yn 2030 alle learlingen en studinten de kâns krije Frysk te learen en te brûken.… Lês fierder

Aginda 28-11-2024: Skriuwerskafee

Pleatst op
Reagearje
logo.ensafh

Op alle lêste tongersdeis fan de moanne kinne skriuwers en dichters inoar moetsje by it Skriuwerskafee, yn Kafee De Gouden Leeuw. Tusken 19.00 en 21.30 oere is der tiid om by te praten, wurk te dielen en literêre plannen te meitsjen. Nim ‘pinnefruchten’ en ideeën mei foar in ynspirearjende jûn. Oant gau!

It Skriuwerskafee wurdt organisearre troch Sigrid Kingma, Gabrielle Terpstra en Arjan Hut.… Lês fierder

Teleks: ‘Gouden Kneppel’ foar Willem Schoorstra

Pleatst op
Reagearje
logo.ensafh

De Gouden Kneppel is in priis dy’t ynsteld is troch de Jongfryske Mienskip yn ‘e hjerst fan 2021, 70 jier nei it histoarysk barren fan Kneppelfreed op 16 november 1951 te Ljouwert. Freedtejûn 15 novimber 2024 tidens de tige slagge Smûke Jûn yn de seal mei grôtfol leden en sympatisanten rikke de Jongfryske Mienskip de twadde Gouden Kneppel út oan Willem Schoorstra. Willem Schoorstra is in bysûndere persoan mei in hiele protte talinten, hy waard berne yn 1959 yn Ternaard.

Lês en sjoch fierder by RTV Noordoost… Lês fierder