Skôgingen

Cornelis van der Wal

Nij op ’e planke Juny 2015

Pleatst op
Reagearje
logo.ensafh

Poezij

Abe de Vries
Brek dyn klank
Gerben Rypma Stifting, Blauhûs 2015.
ISBN 9789081581820
Ferkeappriis € 15,00

Brek dyn klank is poëzij, skreaun troch in heit foar syn bern, dêr’t it libben trochhinne gien is. Taal, tusken langst en ferlies, begjin en ein, is net ûnskuldich mear, mar jout sawol omearming as ferantwurding. Taal dy’t fertart is feroare yn taal dy’t tsjûget fan ferynderliking. Hjir sprekt in dichter dy’t wit wat er fan it libben ferwachtsje mei, en foaral wat nét, wiis wurden troch eigen ûnderfining.

Hinke Veenstra
Lang om let : Fryske gedichten en foto’s
Eigen behear, Drachten 2015
ISBN ?… Lês fierder

Geart Tigchelaar

Nije lêzers foar Fryske skipsjonges?

Pleatst op
Reagearje
logo.ensafh

Nûmer twa fan Regaad, De skipsjonges fan Bontekoe fan Johan Fabricius, is koartkriemd in juwiel fan in boek wurden. Fersoarge útjûn mei prachtige kleureprinten fan Roelof Wijtsma dy’t goed de sfear pakke fan it spannende jongesboek. It boek (it orizjineel waard foar it earst printe yn 1923) dat de reis ferslacht fan Hajo, Rolf en Padde fan Johan Fabricius is oersetten troch Anne Tjerk Popkema.
Moaie boeken meitsje is krekt wat de mannen fan Regaad wolle, sa falt te lêzen op harren webstee: ‘De stifting Utjouwerij Regaad rjochtet him op de produksje fan Fryske oersettings yn heechweardige en orizjinele útjeften, mei as doel de Fryske lêsbefoardering.’… Lês fierder

Cornelis van der Wal

Sinjalemint ‘It museum fan binnenút/Het museum van binnenuit’

Pleatst op
1
logo.ensafh

De abonnees fan it algemien kulturele tydskrift De Moanne krigen okkerlêsten in hiel aardich presintsje tastjoerd: It museum fan binnenút/Het museum van binnenuit. Dizze útjefte, in tige goed fersoarge boek dat as in soarte fan harmoanika yninoar sit, is it produkt fan in gearwurkingsferbân tusken it Natuurmuseum Fryslân, Tresoar en de Nederlandse Kring van Tekenaars (NkvT).

Ik sitearje Wieke de Haan fan Tresoar: ‘Skriuwers ha har ynspirearje litten troch tekeningen fan de NkvT, mar ek troch de kolleksje fan Natuurmuseum Fryslân én troch de ien op ien petearen tusken de skriuwer en de tekener. De teksten binne redigearre, mar yn guon gefallen hat de dichter de dichterlike frijheid foar kar naam.’… Lês fierder

Jelma Knol

Ferslach Skriuwwykein op Skylge 5-7 juny

Pleatst op
Reagearje
logo.ensafh

De kursus Kreatyf Skriuwen yn it Frysk it ôfrûne wykein op de Folkshegeskoalle Skylgeralân hat fiif nije skriuwtalinten oplevere. Under lieding fan skriuwer en dichter Piter Boersma en stazjêre Jelma Knol, beide al jierrenlang redakteur fan de tydskriften HJIR en Ensafh, wurken de kursisten ûnder it biedwurd ‘Fersterkje dyn talint’ op Skylge oan in grut ferskaat oan skriuwopdrachten. Tips foar it ferbetterjen fan de ambachtlike feardichheden fan de skriuwer waarden benammen ek socht yn de ynspirearjende natoer fan Skylge.

Hoe kinst de natoer it bêste ûndergean? Set ast bûten bist al dyn sintugen iepen en wurkje oan de skriuwopdracht dy’tst krigen hast.… Lês fierder

Obe Alkema

Oantekeningen by Mienisme

Pleatst op
2
logo.ensafh

0bb9c48779c7809be43f2f6dbd485754

OANTEKENINGEN BY MIENISME

“I thought I would be understood without words.” – Vincent van Gogh

I.

Goed lêze en skerp tinke is in keunst.

Ik fertel net wêr’t ik myn iepeningssinnen weihelje want dat ûnderminet myn autoriteit dy’t ik graach safolle mooglik.redusearje wol. De autoriteit.dy’t ik mysels oanmjit, neieret de nul as in asymptoot.

Nul = 0. Anything goes.

Disclaimer: dit fers is in farce.
Dit fers efterhellet himsels yn.

Meindert Reitsma is oan it rekalkulearjen.
Charles Bernstein is oan it rekalkulearjen.
Ik bin oan it rekalkulearjen, mar haw muoite mei ôflûken.

Douze points foar Skanomodu.
In sinfolle ympuls yn de fêstrustke Fryske letteren.… Lês fierder

Janneke Spoelstra

Tetman 100 jier

Pleatst op
Reagearje
logo.ensafh

Tajûn, Bitgum Merke oantinkens spilen net swak by, doe’t ik de kaarten bestelde foar de foarstelling 100 jier Tetman. In moaie gelegenheid om nochris yn Zalencentrum Groot Terhorne yn Bitgummûne te sjen. Mar it wie ek om dat iene ferske wer ris te hearren, dat my de earste kear dat ik it hearde, as njoggentjinjierrige, djip yn it moed taaste: ‘Dan komt de maityd’. It wie yn 1981, yn it krekt iepene doarpshûs fan Hijum. Hoewol’t ik it neitiid wol faker heard ha en de glâns noait mear sa west hat as dy earste kear, soe ik it no hearre kinne op it plak dêr’t it foar it earst foar publyk songen is.… Lês fierder

Meindert Reitsma

Ja, goed lêze en skerp tinke is in keunst

Pleatst op
1
logo.ensafh

JA, GOED LÊZE EN SKERP TINKE IS IN KEUNST –
HELDER SKRIUWE NAMMERS EK –
TEKSTFERKLEARRING KIN IN OPLOSSING WÊZE – MAR MISKIEN EK NET

Lit ik begjinne mei te sizzen dat ik it moai fyn dat der in reaksje kommen is op myn besprek ‘Tipeljendewei’ fan de ferskaatbondel Frozen moonlight yn myn hannen fan Josse de Haan (Ensafh, nû. 2, april 2015). Dy reaksje fan De Haan hat my wer oansetten ta it skriuwen fan in reaksje, om it ien en oar rjocht te setten.

De Haan giet yn syn reaksje in tal punten by del. Lit ik dat ek dwaan:

(0)
Hjir skriuwt De Haan dat ik tink dat hy op in eilân sit.… Lês fierder