Yn Fryslân bin ik bekend as dichter. Yn Grins werkenne se my ek wolris op strjitte, mar net fan it dichtsjen. Ik ha hjir ferskate projekten rinnen, bygelyks de ytbere hage dy’t it pleatslike nijs helle hat. In typyske tritichplusser bin ik sa stadichoan.
Ast in bern hast, sjochst ynienen oars nei dyn omjouwing. Minder tiid allinnich betsjut yn myn gefal mear tiid yn de wyk. Wy ha sa stadichoan alle boarterstúntsjes ferkend en fan de measte fassiliteiten op fytsôfstân gebrûk makke. Ik ken sels al aardich wat bewenners. Der binne ek wat suterige stikjes yn de buert. Sadwaande bin ik belutsen rekke by klupkes dy’t ferbetteringen oanbringe wolle.… Lês fierder
