Ik ha wer wat mear lucht. Figuerlik dan. Ferline wike in gedicht foar de krante klearsette, woansdei foardrage yn de Steateseal, freed skriuwe en foardrage by Takomstmuzyk. It wie in soad dichterij yn in wike tiid. Soest der wat fan oprinne kinne as it alle wiken sa gie. Of soe it wenne? Nije wike is it gelokkich wer normaler.
Lês fierder by Sigrid Kingma… Lês fierder
In minske is in nuvere fûgel, foaral as it giet om it uterjen fan gefoelens. Hoewol’t men in hiel folk fansels nea yn in fakje plakke moat, hawwe wy Friezen der wis en wrachtich problemen mei. No ja, lit my mar sizze dat ik soks faaks lestich fyn. Mar fan ’e wike wie it efkes oars.
Us âldste soan wie in pracht fan in standbouprojekt gund. Foar in ferneamd printbedriuw yn Dokkum mocht er foar in fakbeurs yn Gorinchem in tige yngewikkelde presintaasje opbouwe. Mei in team fan sa’n tweintich flinke trochpakkers moast dat it ôfrûne wykein op tiid te realisearjen wêze.… Lês fierder
In grouwe reade boarre op in skouder, in bang eagjende blauwe rus op in kessen, in mottige poes ferstoppe yn in tsjokke winterjas; de ôfrûne 14 dagen wie der gjin krante dy’t net in foto toande fan in flechtsjende boarger mei in húsdier ûnder de earm.
Lês fierder by Omrop Fryslân… Lês fierder
De Afûk skriuwt: Wy lokwinksje I.E. Bloem mei it winnen fan de Simke Kloostermanpriis 2022! De priis foar it bêste berneboek fan de ôfrûne trije jier, giet nei It neidiel fan de twivel fan I.E. Bloem, yn 2021 ferskynd by útjouwerij Afûk. Dat hat de sjuery foar de Simke Kloostermanpriis 2022 besteande út Arjan Hut, Martsje de Jong en Jant van der Weg bekendmakke.
Oare nominearre boeken wienen In nuvere nacht fan Anne-Goaitske Breteler, It deiboek fan Janny van der Molen, Jesse fan Mindert Wijnstra en Wurden fan Timo fan Tialda Hoogeveen. It neidiel fan de twivel is de twadde Young Adult roman fan de skriuwer, in nije stjer oan it Fryske firmamint dy’t ûnder pseudonym publisearret.… Lês fierder
Sneon 16 april: literêre jûn mei Ilja Leonard Pfeijffer en Jetske Bilker
Boeken fan Fryslân organisearret op sneon 16 april 2022 in literêre jûn mei de skriuwer fan it nasjonale Boekenweekgeschenk 2022 Ilja Leonard Pfeijffer yn de Westerkerk yn Ljouwert. Pfeijffer wûn yn 2014 mei syn roman La Superba de Libris Literatuerpriis. Foar dyselde priis waard hy yn 2019 nominearre mei syn roman Grand Hotel Europa.
Yn opdracht fan Boeken fan Fryslân makke Jetske Bilker de Fryske oersetting fan it nasjonale Boekenweekgeschenk.
Op dizze jûn wurde sawol de skriuwer en haadgast fan it Boekenweekgeschenk, Ilja Leonard Pfeijffer, as de oersetter, Jetske Bilker, ynterviewd troch Coen Peppelenbos.… Lês fierder
Op 12 april organisearje de Freonen fan Tresoar in jûn yn it teken fan dichteresse Rixt: in pseudonym fan Hendrika Akke van Dorssen (1887-1979). Rixt wie de earste froulike dichter dy’t yn 1953 de Gysbert Japicxpriis wûn foar har bondel De Gouden Rider (1952).
Op it programma
Wolkom troch it bestjoer Freonen fan Tresoar
Lêzing oer it wurk en de betsjutting fan Rixt yn de Fryske literatuer troch Meindert Reitsma, adviseur Fryske literatuer by Tresoar
Foardracht fan 5 dichters fan it Fryske dichterskollektyf RIXT
Under de lêzing giet Meindert yn petear mei de hear Renze Yetsenga. Yetsenga hat de dichteresse persoanlik kennen en is in fier famyljelid fan har.… Lês fierder
Foar Frysk Dichterskollektyf RIXT en Tresoar mocht ik in promofilmke meitsje, dat úteinlik twa waarden.
Sjoch fierder by Geart Tigchelaar… Lês fierder