Aginda 20-09-2024: Presintaasje dichtbondel ‘de Toer’ fan Cornelis van der Wal
Reagearje
Nij
… James Earl Jones (1931-2024) reads “The Raven” by Edgar Allan Poe (1809-1849)
Teleks: Fryske kultuer ferwachtet kealslach: “Sit gjin gedachte achter kabinetsplannen”
Yn de Fryske kulturele sektor is grutte noed oer de takomst. Der stiet in btw-ferheging op steapel en gemeenten ha minder jild beskikber foar kultuer. “We rinne twa ton mis.”
“We hawwe gjin spek mear op de bonken as kulturele organisaasjes”, seit Elly van der Goot. Sy is direkteur fan skouboarch De Lawei yn Drachten. De sektor hie it al net maklik: “We komme út de coronakrisis, der binne hege enerzjylesten en hegere leanen.”
Lês fierder by Omrop Fryslân… Lês fierder
Teleks: Dr. Obe Postmapriis 2024 foar Willem Schoorstra
De dr. Obe Postmapriis 2024 wurdt takend oan Willem Schoorstra foar syn boek De Poëtyske Edda. De priis wurdt 8 novimber útrikt troch deputearre Eke Folkerts en bestiet út 4.000 euro en in oarkonde.
De Edda is yn Yslân skreaun, yn de djippe midsiuwen, en befettet goade- en heldeferhalen yn dichtfoarm. Neffens de advyskommisje, besteande út Maaike Andringa, Marc van Oostendorp en Rein Smilde, hat Willem Schoorstra de Edda omset ‘yn in Frysk dat in goed midden hâldt tusken respekt foar de – somtiden tsjustere – oarspronklike tekst en it libbene karakter’. De poëtyske Edda is mei tal fan ferklearringen en in wiidweidige ynlieding neffens de advyskommisje net in tekst om lekker op it strân te lêzen, mar in boek dat om konsintraasje freget.… Lês fierder
Pier Bergsma: It fertutearzjen fan it Frysk; is de technologyske ‘redding nabij’?
Ien fan de nijsgjirrige wittenskiplike aktiviteiten fan de lêste jierren yn Fryslân is it wer iepenjen fan de Academia fan Frjentsjer. Dy waard oprjochte yn 1585, sletten troch Napoleon yn 1811, mar yn 2018 in nij libben jûn. Sûnt 13 maart fan dat jier wurde der yn de Botniastins oan de Breedeplaats fan Frjentsjer geregeld gearkomsten en lêzingen organisearre.
It is in gearwurkingsferbân tusken de Gemeente Waadhoeke, de Campus Fryslân fan de ryksuniversiteit Grins, de Protestantske Gemeente Frjentsjer en de Stichting Beheer Diaconale Goederen Franeker.
Lês fierder by Goeie… Lês fierder
Blog Abe de Vries: Wêrom bliuwt de Provinsje dôf en Tresoar blyn?
Asinus ad lapidem non bis offendit eundem, seit it sprekwurd. Trije jier lyn hiene Koos Tiemersma en ik sei de gek in tsjin-better-witten-yn-petear mei deputearre Poepjes oer de advisearring by de Gysbert Japicxpriis.
Wy wiisden derop dat yn literêre ‘sjuerys’ literêre spesjalisten hearre te sitten, en dêrneist dat it oansykjen fan sjueryleden troch Tresoar (mei advys fan de Fryske Akademy) dat ynstitút in ûnwinsklik grutte ynfloed jaan kin op de kar fan de priiswinner.
Us advys oan de deputearre wie om in grutte ‘Gysbertrie’ yn it libben te roppen fan in m/f as tweintich om oer de priiswinner te kedizen.… Lês fierder
Kollum Arjan Hut: In memoriam foar in taal
Midden yn de boufak krige ik fia de mail de fraach oft ik wat dwaan koe mei Frysk en gedichten op basisskoalle Klaver Fjouwer yn Aldegea. It soe moai wêze om wat mei ‘fergetten wurden’ te dwaan, lykas skelk en ornaris en kerbûstich.
Sa waard ik ferline wike tongersdei troch in frou fan stasjon Drylts helle en nei de skoalle brocht. Dy skoalle stiet al op in bysûnder plak, op it krúspunt fan twa strjitten mei de nammen Tsjerkemar en Simmersnie. In adres dat al in gedicht wurdich liket.
Lês fierder by Goeie… Lês fierder