Mardée Akkerman, Marrit Boetje en Alyanne Broers wûnen de 80ste edysje fan FeRstival, de Fryske foardrachtkriich foar learlingen út it fuortset ûnderwiis. Yn it Posthûs Teäter op It Hearrenfean makken sy de measte yndruk op de sjuery mei harren foardrachten.
Mardée Akkerman fan Bornego Junior (It Hearrenfean) wie de grutte winner by de Starters, de kategory foar earsteklassers. Se die dat mei it gedicht ‘De acht hynders fan it Amelân’ fan Tsjits Peanstra. “In dreech fers dat hiel goed en mei ynlibbingsfermogen foardroegen waard”, sei Starters-sjueryfoarsitter Amarins Mulder-Dotinga.
Lês fierder by It Nijs… Lês fierder