In rûnlieding en op de weromreis
Reagearje
Fersen
… bestimming
we wisten net wat we moasten
mei mem,
oant it begjin febrewaris
begûn te snijen
yn ús strjitte foel tsien sintimeter,
de snie bleau lizzen,
waard plattrape,
de stoepe waard sjippeglêd
doe hat Johannes de jiske
struid fan nûmer 34
oant nûmer 66
by har libben liet mem
net oer har hinne rinne… Lês fierder
Bewondering foar un erudyt man
foar dr. Jan Schulp
wat wist ik as Noardehoekjonkje
fan erudite leararen en ander geleard fòlk
niks tòch?
tòt ik op un moaie nasomerdach in 1974
menear Schulp teugenkwam in één fan dy
ouwerwetse hoge klaslokalen fan de Kweekskoal
an de Parallelwech dêr’t ik oait flakbij op un
befroaren kikkersloatsje ut skaatseriden learde
– mar dat tersijde-
allemachtech wat fon ik dizze Hollanner
kòppy kòppy, nyt normaal mear sufeul as hij wist
allienech ut feit dat dizze man binnen no-time Frys sprak
maakte groate indruk op mij
en dan syn kennis over alles wat der bloeide
& groeide, hij was tenslòtte myn biologylearaar
ut was in één woard fenominaal.… Lês fierder
Fol
Fol
it bêd kreaket
in holle
fol fragen
it bêd sprekt
in holle
fol stimmen
gleone fuotten
dôvje ûnderweis
nei it finsterrút
en dêr
sjochst har
fol ljocht en leafde
dizze kant útsjen
oandien
stjerren en strjitlampen
dôvje
leafste sjoch
dêr’t it gerdyn gappet…
dêr stean ik… Lês fierder
Next generation
Troubrek
op ’e tafel stean de restanten fan ferwyt
en petearen fol lege glêzen
gjalpje kristalhelder it ûnbegryp
wurden kinne rare kringels meitsje
do hearst wat ik net sis, boetsearrest
in wier ferhaal bûten my om
dyn swijen seurt noch wat
mar smyt dan myn namme
resolút út dyn suver bestean… Lês fierder
Fitraaljes
de wrâld komt deryn
set de klompen op ’e matte
slofket op geitehierren sokken
sa myn tillefoan yn
alles foar it gripen
it glês is tsjokker
as ea glês west hat
ik raas de longen
út al myn liven
buorlju hearre neat
de wrâld stapt yn ’e klompen
klapt de doar efter him ta
en sjoch him earst
troch de fitraaljes
as er it besnijde paad ôfrint
Foto: Geart Tigchelaar