Klik op ‘e tekst foar in grutter byld
GE-O-HA
Reagearje
Fersen
sterke bisten kenne faak gjin genede
sterke bisten kenne faak gjin genede
se ite op it lêst har âlden op
ik wie lyts
ik moast har ûnmacht hiel meitsje
it is gjin skande om te mislearjen
wol om it net te besykjen
sei de pake fan ien dy’t it witte kin
wat sil dit liif no noch
as my drage troch de hjerst
om úteinlik te sliepwanneljen
troch taalgloppen
ienris fan har
dêr glydt it flot al mei de bier
baarnend de rivier ôf
… Lês fierder
Lijte
Greidhoeke
Gjalp
Tongersdei 23 novimber 2023, de dei nei de ferkiezingen
‘Gjalp’
(in hânsum pamflet, frij neffens ‘Liet fan Mysels’ fan Walt Whitman, troch Lubbert Jan de Vries)
Ik lit myn barbaarske gjalp klinke oer de dakken fan de wrâld!
En alles dat oan my beheart beheart likegoed oan dy.
Hjoed it bêste sjen litte en it skiede fan it minne pleaget de nije tiden. Ik ha heard wêr’t de praters oer prate; striid, ferskrikkingen en oarloch, de opwining troch twiveleftich nijs, it ritige barren fan dingen. Dy komme dei en nacht op ús ôf en geane wer fan ús ôf.… Lês fierder
