Sybren Pimpel
hat my op syn begraffenis
raar te pakken hân
yn ’e deadskiste
hie er de bek heal iepen
en seach my troch spleetsjes oan
as woe er sizze –
ienris leisto der ek sa by
godferdomme,
ik krij de kop fan dat lyk
net mear út ’e harsens al is ’t noch sa
sels ûnder it neuken
bliuwt er my oansjen,
de smycht… Lês fierder
It romme, foarname, bûnt dêrkeazen oard,
dyn kertieren, dyn hôven, op wif fundamint,
ik hifkje dyn wicht, fersûp yn dyn wyn.
It lichte, trochgeande, werheljend skel lûd,
dyn leanen, stêdspoarten, muzyk foar in sint,
ik ferwinskje dyn hjitte, oertsjûge triomf.
It drokke, beboude, rikt yn ’e hichte,
dyn grêften, dyn muorren, omheechsketten krûd,
ik betsjinje dyn brêgen, oars tocht ik ’t my yn.
It fileine, dit tsjuster, yntins ferlitten,
yn gloppen, rioelen, dêr hûzet fenyn,
ik sûgje en koarje, bedongje myn hûd.
It âlde, breanedich, tiidleas ferwurden,
yn wensten, nijfoarmen, dekôrelemint,
ik sykje en strún, rin frijheid temjitte.… Lês fierder
Sompe sykhellet swier
reaget kjeld troch myn swijen
stadich siker krûp ik út de sinne
flap in wylster om har sjongen
smar slyk oer in útrutsen wurd
in weach te koart oer myn opset lichem hinne te slaan
it each op eltse blier
de ferlieding sil moarn in ferske wêze… Lês fierder
Lit my in fisk wêze
en net fersûpe
yn it protsje tiid dat ik ha
in fûgel, in fûgel oars!
en fleane, de hiele dei
mei it oersjoch oer de wei
mei de tiid mei
Dat protsje tiid
it hat my te pakken
ik sit yn it tsjuster
sûnder te witen
fan ‘t ferfleanen fan ferrin
hoe lang oft dit noch duorret
Blyn..
Wit immen hoe let it is?… Lês fierder
op skouders fan ús foarfaars
bonkich en krebintich
sjogge dêrmei efkes fierder
handich sykjen ferrast
yn de kroech bist de kenner
fan saken sa futyl
it útwreide brein tinkt mei
troch google en wikipedia
meitsje neuronen oeroeren
hjoeddeiske generaasje
is dommer as de foargeande
alsa it klupke fan Rome… Lês fierder
ik begjin
mei in sirkel en ik omspan him mei
in sirkel
in sirkel
in sirkel
in sirkel
ik lis der in evener op, kearkringen
en lingtegraadlinen
no kinne sy myn kearn net mear fine
in stjer
ik bin in stjer
ik stjer
M.C. Escher: Concentrische schillen… Lês fierder