Wa’t my foar
De fuotten rint
Lit ik hurder rinne
Hieltyd hurder
Oant se my foarby
Op ’e nij foar
De fuotten rinne
Dan lit ik se
Noch hurder rinne
En gean sels
De oare kant op
Oant dizze lju
My ek wer
Foar de fuotten rinne
Dy’t ik dan
Wer hurder
Rinne litte kin
Sadat úteinlik
Iderien my
Foar de fuotten rint
Dan bin ik op myn bêst!… Lês fierder
De dei wie dien en op dy skiere jûn,
wylst skimer ‘t grien ûntnaam fan ‘e dampe miede
in keppel kij yn dize driuwend rûn,
foel stiltme efkes wei troch ‘t klokkelieden.
Ut ‘t rûge perk naam ik fiif fingers ierde,
woech op ‘e hân as wie it goud de grûn.
De frou dy’t neist my my troch ‘t libben fierde,
oereage ‘t fjild oant dêr’t de kym ferdwûn:
Set hjir ús wente want as moarn de sinne
de greiden gloedzje sil en ‘t libben tiert,
de fûgels sjonge oer it rûzjend liet
fan reid en ‘t hoare boerewurkjen hinne,
stean wy dêr yn ‘t fermidden mei ús plannen
en ‘t honk foar alle tiid ûnder de pannen.… Lês fierder
‘Koos van der Sloot makket keunst fan útsûgde aaien die’t er mei allerhanne objekten gearfoeget ta assemblaazjes. Byldgedichten, sa soe men se neame kinne.’ (Huub Mous)
(foto: Linus Harms)
Op de boppesteande foto is it keunstwurk ‘sonnet’ fan Koos van der Sloot te sjen, it is in ‘byldgedicht’, yn dit gefal in ‘byldsonnet’. Elk aai stelt in wurdlid foar, in lossteand aai is ien wurd, tsjininoaroan pleatste aaien foarmje in wurd fan safolle lidwurden as der aaien tsjininoaroan stean.
Skriuw in sonnet op…
ensafh noeget elkenien út om it ‘byldsonnet’ fan Koos van der Sloot om te setten yn in ‘wurdsonnet’, folslein neffens Van der Sloot syn skema, dat wol sizze hast folslein.… Lês fierder
‘Koos van der Sloot makket keunst fan útsûgde aaien die’t er mei allerhanne objekten gearfoeget ta assemblaazjes. Byldgedichten, sa soe men se neame kinne.’ (Huub Mous)
(foto: Linus Harms)
Op de boppesteande foto is it keunstwurk ‘sonnet’ fan Koos van der Sloot te sjen, it is in ‘byldgedicht’, yn dit gefal in ‘byldsonnet’. Elk aai stelt in wurdlid foar, in lossteand aai is ien wurd, tsjininoaroan pleatste aaien foarmje in wurd fan safolle lidwurden as der aaien tsjininoaroan stean.
Skriuw in sonnet op…
ensafh noeget elkenien út om it ‘byldsonnet’ fan Koos van der Sloot om te setten yn in ‘wurdsonnet’, folslein neffens Van der Sloot syn skema, dat wol sizze hast folslein.… Lês fierder
Hjerstblêden suchtsje: ik kin gjin ljocht mear fine,
mar man dêr is de hjerst ommers foar útfûn.
Myn nije skuon deadzje by elke stap lytse dieren,
dat is it lot.
Soe ik no stjerre, it koe my neat skele.
It is foar famylje en freonen dat ik der bin.
En fansels foar de Fryske literatuer.
Klik hjir om it gedicht út ’e mûle fan ’e dichter te beharkjen… Lês fierder
ik wurd al brún oan ’e râne
noch in stoarm en ik lis ek
nei de hurde wyn ferline wike
like it op ’e grûn wol hjerst
in els rûgelet omraak
sa fol yn ’t blêd lykwols
kin er ek rij wêze
foar my is it in griis
sa lang hingje ik noch net… Lês fierder
foar Saske
it eilân slacht har doeken ôf
byt parten út de kim
tichteby leit hjir myn memmelân
de stjoerman ropt om alle hens
strunende skuorwinen meitsje
dit sicht suver huverich
ik kin har hast reitsje
mei myn hannen, hast
har teare holle tútsje
dochs in izige ûnrêst
ferwûnet it paad
blyn farwetter foarút
soe har werkenning
noch knypeagje nei my?… Lês fierder