Klik op ‘e foto foar in grutter byld
Aginda 05-03-2022: Lêzing Flip van Doorn mei poëzij fan Geart Tigchelaar
Reagearje
Aginda
Aginda 05-03-2022: Iepening tentoanstelling Kor Onclin mei poëzij
Op sneontemiddei 5 maart wurdt yn OBE, poadium foar Fryske kultuer, de tentoanstelling KOR ONCLIN, FERWÛNDERING EN ÛNGERÊSTENS, iepene. Mei in seleksje skilderijen en objekten presintearret Tresoar oan de hân fan fjouwer tema’s in oersicht fan Onclin syn wurk. Ferskate dichters fan RIXT hawwe op útnûging fan de makkers fan de tentoanstelling poëzy skreaun by wurk fan Onclin. In seleksje út dy gedichten is opnommen yn de tentoanstelling.
De tentoanstelling wurdt nei in koarte ynlieding fan ûnder mear kurator Yvonne Willems en Kommissaris fan de Kening Arno Brok iepene mei poëzy en muzyk. Edwin de Groot sil dan syn gedicht ‘By in blauwereinbeam en in reinbôge’ foardrage.… Lês fierder
Aginda 02-04-2022 o/m 25-06-2022 : ZEA en Tsead Bruinja tegearre op Skuorre- en Tsjerketoer troch Fryslân en Amsterdam
Fan 2 april oant 25 juny toere sjonger ZEA en ik troch Fryslân. Wy hoopje jim te treffen!
02-04 – SNEEK – BOLWERK
09-04 – MAKKUM – DONIAKERK
10-04 – KOARNJUM – NICOLAASKERK
15-04 – LEEUWARDEN – WESTERKERK
23-04 – FOUDGUM – MARIAKERK
24-04 – DRACHTEN – MUSEUM DR8888
29-04 – BUITENPOST – MeM
01-05 – DEDGUM – SINT JORISKERK
07-05 – BLESSUM – MARIAKERK
14-05 – JORWERT – REDBADTSJERKE
15-05 – AMSTERDAM – CAFE EIJLDERS
22-05 – EXMORRA – DICHTER OP DE DEEL
28-05 – LEEUWARDEN HUIZUM – DORPSKERK
29-05 – BEARS – MARIAKERK
25-06 – HARLINGEN – LITERAIR FESTIVAL
Tickets binne te finen op de website fan produksjehûs Explore the North: https://www.explore-the-north.nl/… Lês fierder
Aginda 04-02-2022: Grutte Gedichtejûn ensafh yn Dokkum
Bêste dichter/poëzyleafhawwer,
Frysk literêr tydskrift Ensafh organisearret wer syn jierlikse Grutte Gedichtejûn. De hoop is dat it takom jier wer fysyk plakhawwe kin. It sil yn de iisherberch yn Dokkum heve.
Om dy reden ropt de redaksje alle dichters en foarlêzers, ryp en grien, op om ien gedicht foar te dragen. It makket net út yn hokker (streek- of minderheids)taal oft it fers skreaun is. Jo hoege sels net iens dichter te wêzen, jo meie ek gerêst in fers fan immen oars foarlêze.
Der is lykas wenst fansels muzyk by, dat is ditkear fan it duo Onno & Henderikus.
Jou jo op foar 24 jannewaris 2022 by ensafhpoezij@gmail.com… Lês fierder
Aginda 23-01-2022: It Literêr Sirkwy yn Burdaard ‘De loft is blau fan dagen’
Frysk Dichterskollektyf RIXT en Streekdichter fan Noardeast-Fryslân Geart Tigchelaar organisearje mei-inoar in poëtyske jûn yn de rige It Literêr Sirkwy. Dat sil heve yn it multyfunksjoneel sintrum It Spektrum te Burdaard op freedtejûn 10 desimber 2021 om 19:30 oere.
De optredende dichters hawwe it positive tema ‘De loft is blau fan dagen’ meikrigen. Dy jûns bringe Janneke Spoelstra, Ina Schroders-Zeeders, Mark Spijkers en Geart Tigchelaar harren dichtwurk op it poadium. It duo I Due Cognati wikselet de poëzy ôf mei muzyk en sy litte harren klanken ynspirearje op ’e wurden fan de dichters.
Ferskood nei 23-01-2022
… Aginda 13-11-21: Poëcinema
Aginda 12-11-21: Bekendmakking nije Dichter fan Fryslân
Op 12 novimber om 16:00 oere (ynrin 15:30 oere) wurdt mei Explore the North de nije Dichter fan Fryslân bekendmakke yn de Westerkerk yn Ljouwert.
Foarôfgeand oan de offisjele beneaming fan de nije Dichter fan Fryslân troch deputearre Sytske Poepjes nimt Nyk de Vries ôfskie as Dichter fan Fryslân mei de presintaasje fan syn nijste dichtbondel ‘Asman’.
Dizze feestlike middei wurdt mei mooglik makke troch Boeken fan Fryslân en Explore the North. De presintaasje is yn hannen fan Jelte Posthumus.
Nyk de Vries. Foto: Jacob van Essen
It projekt ‘Dichter fan Fryslân’ is in inisjatyf fan de provinsje Fryslân en wurdt útfierd troch Boeken fan Fryslân.… Lês fierder