Op it Noordelijk Film Festival yn Ljouwert sil op freed 13 novimber om 12.15 oere de presintaasje plakfine fan it ambisjeuze projekt fan Stichting De Filmmakkers. Dat is ek it momint dat de teaser trailer fan ‘Understream’ foar it earst fertoand wurdt foar publyk.
Yn de blauwe seal fan Slieker binne der bydrages fan u.o. Willem Schoorstra, Halbe Piter Claus en Marike van Dijk.… Lês fierder
Mearkes fan Grimm yn it Biltsk
Op 18 novimber wurdt yn St. Anne in Biltske oersetting fan fyftjin mearkes fan Grimm presintearre: Sprokys fan Grimm in ’t Bildts. It boek is in samling fan fyftjin mearkes fan de ferneamde bruorren Jacob en Wilhelm Grimm, dy’t troch Sytse Buwalda oerset binne yn it Biltsk. De útjefte ferskynt by Taalburo Popkema en is útrist mei prachtige kleureyllustraasjes, fan Peter Boersma & Hilda Groenesteyn. It is boppedat it folgjende diel yn in rige fan oersettings fan Grimm-ferhalen yn lytse talen. Yn 2012 ferskynde al in Fryske oersetting (Mearkes fan Grimm, Bornmeer) en der binne ek plannen foar bgl.… Lês fierder
Godfried Bomans yn it Frysk
Op freedtemiddei 20 novimber wurdt it nijste boek fan de Grinzer/Fryske útjouwerij Regaad presintearre: Erik of it lyts ynsekteboek. Godfried Bomans’ ferneamde berneboek út 1941 is oerset troch Geart Tigchelaar (1987). Yllustrator Nina Peckelsen (1990) is oanlutsen om yn har eigensinnige, feeërike styl de ynsektewrâld dêr’t de lytse Erik samar yn bedarret, ta libben te bringen.
De presintaasje fan it boek sil wêze yn, en benammen om it Skriuwersarkje by De Feanhoop, dêr’t de oanwêzigen de “Fryske liternatuer” hearre, sjen, rûke en priuwe sille. Learzen sille nedich wêze, lit Regaad witte. Fan sneon 21 novimber ôf is it boek yn de boekwinkel te keap of te bestellen, foar €12,50.… Lês fierder
Op sneon 31 oktober giet de Keunstmoanne Amelân fan start. Dy duorret oant ein novimber. Tresoar is fertsjintwurdige troch tsien Fryske skriuwers yn hotel ‘De Amelander Kaap’ te Hollum. Op Hooijer N HAY_9461 bewwoansdeitejûn 11 novimber binne der dichtersoptredens mei muzyk yn de eksposysjeromte en wurdt der ferteld oer it projekt. Op 25 novimber spilet Wiebe Kaspers mei syn band it muzikale program It frije lân.
10 tekeners versus 10 skriuwers
In bysûndere seleksje fan tekeningen yn kombinaasje mei gedichten of ferhalen, wurdt yn de kontekst fan de Keunstmoanne Amelân 2015 yn in nije setting oan it keunstpublyk sjen litten.… Lês fierder
Foar it literêre útwikselingsprojekt mei Valetta 2018, ‘Poetic Potatoes’, joech de Moanne de dichters Albertina Soepboer, Sannemaj Betten, Bartle Laverman, Arjan Hut en Wilco Berga de opdracht om in oade oan de jierpel en it Bildt te skriuwen.
Fiif filmmakkers, Heleen Haijtema, Elmar Kuiper, Piter Hettinga, Sytse Jansma en Richard van der Laan, lieten har ferfolgens ynspirearje troch de gedichten en makken fiif bysûndere films dy’t op it Media Art Festival op tongersdeitejûn 5 novimber om 20.30 oere yn de Westerkerk (âld teater Romein) yn Ljouwert yn premjêre gean.
‘Poetic Potatoes’ is in projekt fan de Stichting Bildtse Aardappelweken yn gearwurking mei de Moanne wêrby’t yn oanrin nei Ljouwert Kulturele Haadstêd 2018 in poëtyske útwikseling mei Valetta 2018 sintraal stiet.… Lês fierder
‘Minsken’ neamde byldzjend keunstner Gerrit Terpstra syn rige fan tolve skilderijen. Elk paneel draacht de namme fan in moanne fan it jier en hat syn eigen mysterieuze entûraazje. Iennige konstante is de ovale tafel dêr’t minsken omhinne sitte, altyd trettjin minsken. Wat dogge dy minsken dêr, frege dichter Eppie Dam him ôf. Is it in selskip mei ideeën, in rûnte mei in opdracht? Binne it politisi, teologen, wittenskippers, foarfjochters foar dit of dat? En wurde se it iens of soe der twaspjalt komme? Dam gie op syk yn twa kear tolve gedichten, Nederlânsk en Frysk. Ien en oar hat resultearre yn ‘De tafel’, in poëtysk keunstboek yn kalinderfoarm, útjûn troch De Ryp, de ambisjeuze útjouwerij fan de Gerben Rypma Stichting.… Lês fierder
