De Nije Bildtse Post hâldt fuortendaalks op. Utjouwer Pieter Jan Heidstra naam it blêd twa jier lyn oer en makke fan in wykblêd in krantsje dat ien kear yn de moanne útkaam. Heidstra moat no tajaan dat it finansjeel net út kin.
“It wie gjin maklik beslút. As ik der saaklik nei sjoen hie, wie ik yn jannewaris al ophâlden, mar ik bin in wâldpyk en ik haw in hekel oan belies jaan. Ek foar de minsken fan de redaksje woe ik troch, dy rekkenje op je”, seit Heidstra.
Likegoed it tal lêzers yn it ferspriedingsgebiet as it tal advertearders is te lyts.… Lês fierder

“Jetske Bilker hat mei Spegel en sonde in fakkundich literêr wurkstik ôflevere. Se bringt dêryn it tema deminsje tige betûft tepas om de algemiene delgong fan in haadpersoan te beskriuwen dy’t har libben op leagens en yllúzjes boud hat en alhiel ferslacht yn ’e rollen dêr’t se yn twongen is of dêr’t se harsels yn avensearre hat. Dêrby ferbynt se op in yntrigearjende wize in suver klinyske analyze mei in flotte fertelstyl en in fine humor.”

Dit sitaat komt út it sjueryrapport en giet oer de roman Spegel en sonde fan Jetske Bilker, dy’t dêrmei dit jier de Gysbert Japicxpriis wint.… Lês fierder

Oud-gedeputeerde in Friesland Sietske Poepjes bepleit in haar nieuwe boek het vieren van de regionale eigenheid. ‘Een zelfverzekerde eigenheid kan werken als vaccinatie tegen gevoelens van onmacht. Doordat we onze wortels kennen, zijn we niet bang voor andersdenkenden.’
Bij café De Zwaan in Makkum is het goed vol met zomerfietsers. Buiten het seizoen is het café de stopplak voor de Friezen. Kaartje leggen, kletse, biljarten én schrijven. Afgelopen zomer en najaar zetelde Sietske Poepjes (44) regelmatig in een hoekje van het bruine café om er te werken aan haar boek over het belang van regionale culturen Eigenheid. ‘Ik had nooit gedacht dat ik schrijven zó leuk zou vinden.… Lês fierder

Ypie Bakker is dichter fan de moanne augustus by RIXT. Har twadde moannegedicht is ‘ûntstien’

.
ûntstien

alles wie al
besletten yn stien
it bern foetus noch
beferzen yn de memmeskurte
it famke ferstille
fossyl fan ferlerne tiid

Lês fierder by RIXT:… Lês fierder

De Fryske Akademy en de redaksje fan Neerlandistiek.nl kundigje de lansearring oan fan Frisistyk.nl, in nij online tydskrift wijd oan Fryske taal- en letterkunde. It wurdt in útwreiding fan it suksesfolle Neerlandistiek.nl, in website dy’t it midden hâldt tusken in wittenskiplik tydskrift en in kenniswebsite foar in lekepublyk. Frisistyk.nl giet op 6 oktober live en sil njonken algemiene stikken oer Fryske taalkunde, skiednis en letterkunde ek romte biede oan ûnderwerpen lykas Frysk yn it ûnderwiis en Frysk taalbelied en oan de taal- en letterkunde fan de oare Fryske talen lykas it Noardfrysk en Sealterfrysk.

Grut berik

De ôfrûne jierren ferskynden al regelmjittich stikken oer it Frysk of Fryslân op Neerlandistiek.nl,… Lês fierder

Nei fiif jier hâldt Siart Smit op as algemien direkteur fan Oerol. Smit seit dat it foar himsels en foar it festival better is as der no in oare direkteur komt.
It wie in pittige perioade, seit Smit. Yn de fiif jier dat hy ferantwurdlik wie foar Oerol, is it festival op Skylge twa kear net trochgien fanwegen corona, en ferstoar oprjochter Joop Mulder.
Yn de tiid dat hy der siet, is de organisaasje bot feroare, seit Smit. De minsken binne jonger wurden. En de ynhâldlike koers fan it festival is ferlein: duorsumens is no belangriker wurden.

Lês en sjoch fierder by Omrop Fryslân… Lês fierder

Fan 1 septimber 2023 ôf makket Tresoar net langer gebrûk fan Obe foar útstallings en presintaasjes. Fiif jier lang hat Tresoar yn Obe, it poadium foar Fryske kultuer, in breed kultureel programma delset, en dêr binne wy grutsk op! Wy sette dat programma dan ek graach troch – yn ús eigen gebou oan de Bûterhoeke yn Ljouwert.

Literatuermuseum Fryslân
Tresoar is ien fan de twa literatuermusea dy’t der yn Nederlân binne. Fan dit jier ôf wurdt der yn it Tresoargebou wurke oan in nije opset fan it literatuermuseum. Mei de realisaasje fan it fernijde literatuermuseum én in nije eksposysjeromte foar wikseljende útstallingen slaan wy de bledside om nei in nij haadstik fan Tresoar as (literatuer)museum.… Lês fierder