Set troch mei it belied oangeande de Fryske taal, ek al is it kabinet demisjonêr. Dat is de oprop fan DINGtiid, it advysorgaan foar de provinsje en it Ryk foar it Frysk.
DINGtiid hat dit fersyk kenber makke yn in brief oan alle Twadde Keamerfraksjes. It advysorgaan bûget him op dit stuit oer in tal Fryske kwestjes, nei oanlieding fan in tal moasjes dy’t ferline jier oannaam is.
Lês fierder by Omrop Fryslân… Lês fierder
Sân winners fan Rely Jorritsmapriis 2023
LJOUWERT – Twa ferhalen en fiif gedichten wurde dit jier bekroand mei in
Rely Jorritsmapriis. It giet om de ferhalen ‘Nachtskaad’ fan Koos
Tiemersma (Drachten) en ‘It lûd’ fan Tryntsje van der Steege (Nyegea).
De winnende gedichten binne ‘Hapke fan neat’ fan Benny Holtrop (De
Knipe), ‘Fers om te ferjitten’ fan Fedde Dijkstra (Ljouwert), ‘Hoe’t it
liket’ fan Ypie Bakker (Achlum), ‘De winter sil yn jute sliepe’ fan
Remco Kuiper (Goutum) en ‘In symfoanysk akwarel fan dyn toarst’ fan
Sytse Jansma (Harns).
Foar de Rely Jorritsmapriisfraach, dy’t dit jier foar de 69ste kear
útskreaun waard, wiene 89 ynstjoeringen ynkommen, te witten 56
gedichten en 33 ferhalen.… Lês fierder
De Jong Fryske Mienskip hat in podcast pilot makke wêryn wy mei sân gasten prate oer ferskate ûnderwerpen oangeande de Fryske taal, kultuer en identiteit. Wy hoopje dat jimme der in soad harkwille oan belibje. Yn ‘e auto, wilens in kuierke of mei byld derby lekker op ‘e bank: lit it us witte via de soosjals mei stekje: #JFMpodcast.
Yn dizze twadde ôflevering is Gabor Landman te gast. Gabor Landman is fan de stifting european language rights en wy beprate in tige wichtich ûnderwerp: de skeining fan taalrjochten fan ferskate minderheden yn Europa wêrûnder de Friezen. Dêrneist hawwe wy it oer Oekraïne, minskerjochten, memmetaal, Transilvanië en noch folle mear.… Lês fierder
Het Taalkundich Wurkferbân van de Fryske Akademy organiseert dit jaar de twaalfde Dag van de Friese taalkunde. De dag is bedoeld voor iedereen die zich direct of indirect bezighoudt met de taalkunde van het Fries: grammatica, fonetiek/fonologie, naamkunde, lexicologie, sociolinguïstiek, historische taalkunde, kindertaalverwerving, enz. In de lezing kan over wetenschappelijk onderzoek gerapporteerd worden, maar presentaties van onderzoeksplannen, van speculaties of van taaldatabanken zijn ook welkom. Lezingen kunnen gehouden worden in alle talen die tot de West-Germaanse taalfamilie behoren.
Wanneer: vrijdag 6 oktober 2023
Sjoch foar mear ynformaasje by Neerlandistiek… Lês fierder
Wa wurdt de nije Dichter fan Fryslân? Yn novimber fan dit jier wurdt bekend wa’t yn de fuotleasten komt fan de hjoeddeistige Dichter fan Fryslân, Sigrid Kingma. Deputearre Steaten hawwe de advyskommisje frege om mei in foardracht te kommen. De kommisje bestiet fan ’t jier út Sigrid Kingma, Ammerins Moss-de Boer en Céline Wierda.
Lês fierder by It Nijs… Lês fierder
Explore the North, Tryater en Ljouwert UNESCO City of Literature organisearje wer in nije masterclass Literêre Performance, foar skriuwers dy’t harren optredens nei in heger nivo bringe wolle en in stap fierder wolle yn it presintearjen fan harren wurk. De masterclass wurdt jûn troch teatermakker Karel Hermans. Meidwaan is fergees.
De masterclass Literêre Performance is bedoeld foar skriuwers dy’t al proaza of poëzij publisearre hawwe, en (leafst) al wat presintaasje/poadiumûnderfining hawwe. Yn dizze masterclass ferkenst al spyljend de mooglikheden om in tekst oan en foar it publyk oer te bringen. Wille en ferbyldingskrêft steane foarop.
Lês fierder by Ljouwert, City of Literature… Lês fierder
Skriuwer Hylke Speerstra krijt de Fryske Anjer fan 2023. Dat hat it Prins Bernhard Cultuurfonds Fryslân bekend makke. De Fryske Anjer wurdt alle jierren takend oan in persoan of in organisaasje dy’t him fertsjinstlik makke hat foar de Fryske kultuer of natuer.
Neffens it kultuerfûns is de 87-jierrige Speerstra fan grutte betsjutting foar de Fryske literatuer en hat er de Fryske taal en tema’s mei syn boeken foar in grut publyk tagonklik makke.
Lês fierder by Omrop Fryslân… Lês fierder