Tialda Hoogeveen is fan takom jier ôf Berneboeke-ambassadeur fan Fryslân, sa is hjoed by de presintaasje fan de Fryske oersetting fan it Berneboekewikegeskink bekendmakke. Fan jannewaris 2023 ôf sil Hoogeveen twa jier lang de promoasje fan it Fryske berneboek in gesicht jaan. Dêrmei folget se de earste Berneboeke-ambassadeur fan Fryslân Lida Dykstra op.

Tialda Hoogeveen: “Ik fyn it in hiele eare om Berneboeke-ambassadeur fan Fryslân te wêzen. Ferhalen ferbine ús mei-elkoar en mei de wrâld. Ik haw der sin oan om it berneboek in noch grutter poadium te bieden. Der is in berneboek foar elkenien, foar bern én folwoeksenen, dêr bin ik wis fan.”… Lês fierder

Yn oanrin nei de Trinus Riemersmadei op 22 oktober komt der in unike útstalling oer libben en wurk fan Trinus Riemersma yn de Frjentsjerter biblioteek. Wethâlder Jan Dijkstra docht de iepening op 30 septimber.

Trinus Riemersma (1938 – 2011) is ien fan de grutste Fryske skriuwers fan nei de Twadde Wrâldoarloch. Hy wenne en wurke it grutste part fan syn libben yn Frjentsjer. By it domein Letter & Geast fan de Academie van Franeker ûntstie ferline jier it idee om it wurk fan Riemersma yn de skynwerpers te setten. “Riemersma fertsjinnet dat”, seit âld-heechlearaar Frysk Rolf Bremmer, sels lid fan L & G.… Lês fierder

De Sutelaksje mei Fryske boeken wurdt dit jier yn folle minder doarpen hâlden. Wiene der by eardere edysjes in stik as sechtjin doarpen dy’t meidiene, no is dêr noch mar ûngefear de helte fan oer.
By de tradisjonele Sutelaksje fan Stichting It Fryske Boek giene frijwilligers mei kroaden en boeken de hiele provinsje troch. De lêste jierren dogge ferieningen en klups de ferkeap fan boeken en sy meie as fergoeding 25 prosint fan de opbringst hâlde foar de eigen klupkas.

Lês fierder by Omrop Fryslân… Lês fierder

Op it kongres ‘Frisian Humanities’ wiene der lêzings wijd oan 200 jier De lapekoer. Eric Hoekstra fan de Fryske Akademy hold doe in lêzing oer de tematyk dêr’t ek syn stik yn ‘Utljochte’ oer giet.

Joast Halbertsma wie dûmny by de menisten (‘doopsgezinden’), in protestantske tsjerkerjochting stifte troch de Fries Menno Simons. Yn it wurk fan Halbertsma fernimt men lykwols amper wat fan syn leauwe. Hoe kin dat?

Lês fierder by Sirkwy… Lês fierder

…

Om’t DE NIJE no foar it grutste part op frijwilligers draait, is it blêd net allinnich finansjeel, mar ek wat minskkrêft oangiet kwetsber. Troch de need twongen oerwaget de Ried no dêrom mei DE NIJE op te hâlden.

…

L6es fierder by It Nijs… Lês fierder

Op 23 septimber waard de Simke Kloosterman priis foar de trettjinde kear útrikt. Tusken it publyk yn de Petrustsjerke siet de noch ûnbekende skriuwer fan it winnende boek It neidiel fan de twivel. Foarsitter fan it Lien en boargemaster Oebele Brouwer iepene de middei mei in lytse skiednis fan it Lien en in relaas oer de persoan Simke Kloosterman.

Doe kundige er Brent Polder oan, de winner fan de foarlêskriich Simkes Stimke, dy’t op meinimmende wize in fragmint foarlies út it winnende boek. Brent waard huldige as bêste foarlêzer fan Achtkarspelen.

Lês en sjoch fierder by RTV Noordoost… Lês fierder

Fedde Dijkstra is moannedichter fan septimber 2022 by RIXT, Que sera is syn twadde moannegedicht.

que sera

de trilhierkes
op myn glêzen lichem
ferriede: der komt wat oan
it lit him net ferbidde

Lês en sjoch fierder by RIXT… Lês fierder