Tresoar bestiet dit jier 20 jier! De skatkeamer fan Fryslân traktearret dy yn it jubileumjier op allerhanne ekstra aktiviteiten. Mei de toer Tresoar komt nei dy ta! giet Tresoar de provinsje yn om de bysûndere ferhalen fan dyn wenplak nei dy ta te bringen. Dêrneist litte meiwurkers fan Tresoar alle wiken – it hiele jier lang – online har persoanlike topstikken sjen. En dat is noch net alles: Tresoar is nammentlik benijd nei dyn persoanlike ferhaal of topstik! Want ferhalen fan no fertelle ús letter mear oer ús ferline, ús wearden en ús hoop. Om dy reden docht Tresoar de oprop om safolle mooglik ferhalen te dielen mei de hashtag #mijnverhaalvanfryslan.… Lês fierder

Winners fan Fryske prizen lykas de Gysbert Japicxpriis en de Gerrit Bennerpriis krije aanst in spesjaal promoasje- en ûntwikkelbudzjet fan 5.000 euro. Dêrmei kinne se bygelyks in útstalling oer in wurk organisearje of in oersetting fan in boek meitsje litte. Tagelyk is it in stimulâns foar it fjild. It is ien fan de nije ûnderdielen fan de nije oanpak fan de provinsje foar syn literêre en kulturele prizen.

It promoasje- en ûntwikkelbudzjet wurdt tawiisd oan 5 provinsjale prizen, nammentlik de Gysbert Japicx-, de Bernlef-, de Gerrit Bennerpriis en de twa Vredeman de Vriesprizen (ien foar Untwerp en ien foar Arsjitektuer).

De nije prizeregeling is ûntstien om’t de provinsje mear út syn prizen helje wol as oant no ta dien is.… Lês fierder

Freed 1 april wie der ta gelegenheid fan de Kor Onclin tentoanstelling yn Obe, in dichtersjûn organisearre troch it Literêr Sirkwy fan it dichterskollektyf Rixt en meiwurkers fan Tresoar.

Marleen Onclin wie oanwêzich as spesjale gast en sprekster. Op it lêste stuit kamen der ek dichters fan Dichter Bij Leeuwarden by. Spitich wie dat muzikant Jan de Vries troch sykte útfallen wie, mar muzikant Ruben Bus rêde dermei en wist ferskate dichters hiel moai te begelieden mei syn muzyk en soarge ek tuskentroch foar moaie muzyk. It publyk siet yn in heale sirkel om de optredende dichters hinne. Nei it skoft doe’t de delegaasje fan Dichter Bij Leeuwarden optrede, kamen der aardich wat fans troch de doar om harren ‘matties’ optreden te sjen.… Lês fierder

No freed om 11.00 oere wurdt yn it Simke Kloostermanhûs yn Twizel in brief fan Douwe Kalma oan Jiffer Simke Kloosterman iepene, dy’t oan no ta net bekend wie. It poststimpel jout oan dat de brief út 1922 datearret en yn Fiesole (Itaalje) op de bus dien is. Kalma wie dêr doe op reis en hie in tal moetings mei de dichter-fasjist Gabriel d’Annunzio.

Foar dr. Jelle Krol, kenner fan libben en wurk as gjin oarenien fan Douwe Kalma, dy’t by de iepening fan de brief oanwêzich wêze sil, wie dizze ûnbekende brief in ferrassing. Hy ferwachtet – sjoen de keine relaasje tusken Simke Kloosterman en har eardere, folle jongere fiancé Douwe Kalma, dat de brief fral gean sil oer de besites dy’t Douwe Kalma mei d’Annunzio oan de archeologyske fynplakken by Fiesole brocht.… Lês fierder

Op tiisdei 12 april sil Sigrid Kingma as Dichter fan Fryslân in gedicht foardrage oan in delegaasje fan de Nederlânske ambassade fan Rome en Dutch Culture. De delegaasje bringt in besite oan tal fan ynstellings yn Fryslân. It gedicht fan de Dichter fan fryslân dat foardroegen wurde sil, wurdt nei alle gedachten ek oerset yn it Ladin en Furlan. Twa lytse talen út it noarden fan Italië.

Boarne: Dichter fan Fryslân… Lês fierder

Profesjonele makkers en kulturele ynstellings dy’t warber binne yn Fryslân, kinne yn ’e beneaming komme foar in subsydzje út ’e regeling Stimulearringsregeling Kultuer – Untwikkeling en Ynnovaasje wei.

De regeling is opdield yn twa haadlinen: Untwikkeling en Utfiering. Op sa’n wize kin foar spesifike ûnderdielen wilens it kreative proses in oanfraach yntsjinne wurde. De measte regelings binne taspitst op íén ûnderdiel, bygelyks: it útfieren fan in teaterstik, mar fia dizze regeling kin ek in oanfraach yntsjinne wurde foar bygelyks in foarûndersyk of in pilotproduksje. Fierder biedt de regeling de mooglikheid om projekten troch te ûntwikkeljen nei in twajierrich programma. Troch te ynvestearjen yn kop en sturt, wolle Deputearre Steaten ta op in kwalitatyf heechweardich oanbod en profesjonalisearring fan makkers en kulturele ynstellings yn ’e provinsje Fryslân.… Lês fierder

Geart Tigchelaar: ‘Yn ‘e mande mei Teake Oppewal en Janneke Spoelstra binne wy drok dwaande mei it lêzen, hifkjen en bepraten fan ‘e kânshawwers.’

Lês fierder by Geart Tigchelaar… Lês fierder