Geart Tigchelaar: ‘Yn ‘e mande mei Teake Oppewal en Janneke Spoelstra binne wy drok dwaande mei it lêzen, hifkjen en bepraten fan ‘e kânshawwers.’

Lês fierder by Geart Tigchelaar… Lês fierder

Bettere beleanning foar Fryske skriuwers en effektivere promoasje Fryske boeken

It Skriuwersboun hat ferline hjerst in kommisje ynsteld dy’t him dwaande holden hat mei de fraach: hoe komme wy ta in bettere beleanning fan Fryske skriuwers? De einrapportaazje mei in tal útstellen is troch it bestjoer fan it Skriuwersboun oernommen. It giet om konkrete en praktyske maatregels, dy’t relatyf ienfâldich te realisearjen binne.

De presintaasje dêrfan is op tongersdeitejûn 7 april 2022, 19.30 oere yn Tresoar, Bûterhoeke 1, Ljouwert.

Foar de realisaasje derfan is meiwurking nedich fan:

– de leden fan it Skriuwersboun;
– de redaksjes fan (diels) Frysktalige tydskriften;
– de Omrop;
– organisaasjes dy’t literêre eveneminten organisearje;
– de provinsjale en regionale kranten;
– útjouwers;
– biblioteken;
– Tresoar;
– Boeken fan Fryslân;
– de provinsje Fryslân;
– minsken dy’t graach Frysk lêze meie.… Lês fierder

Gnyskje, nútsjesmoar en krûpelhintsje. It Grut Frysk Diktee is werom mei in nije edysje. Dat is foar it earst sûnt It Grut Frysk Diktee yn 2018 op it Aldehoustertsjerkhôf wie, mei in rekôrtal dielnimmers.
Op tiisdei 17 maaie wurdt It Grut Frysk Diktee wer as fanâlds hâlden yn de steateseal fan it Provinsjehûs. Kwalifisearje foar it diktee kin fan hjoed ôf fia it kwalifikaasjediktee op www.fryskdiktee.nl.

De Hoop skriuwt de tekst

Twadde Keamerlid Habtamu de Hoop fan de PvdA skriuwt de dikteetekst. De Hoop lit witte dat it diktee it tema ‘sport’ hat. ‘Ik fyn it in geweldige eare dat ik it diktee skriuwe mei.… Lês fierder

De Afûk skriuwt: Wy lokwinksje I.E. Bloem mei it winnen fan de Simke Kloostermanpriis 2022! De priis foar it bêste berneboek fan de ôfrûne trije jier, giet nei It neidiel fan de twivel fan I.E. Bloem, yn 2021 ferskynd by útjouwerij Afûk. Dat hat de sjuery foar de Simke Kloostermanpriis 2022 besteande út Arjan Hut, Martsje de Jong en Jant van der Weg bekendmakke.

Oare nominearre boeken wienen In nuvere nacht fan Anne-Goaitske Breteler, It deiboek fan Janny van der Molen, Jesse fan Mindert Wijnstra en Wurden fan Timo fan Tialda Hoogeveen. It neidiel fan de twivel is de twadde Young Adult roman fan de skriuwer, in nije stjer oan it Fryske firmamint dy’t ûnder pseudonym publisearret.… Lês fierder

It kolleezje fan boargemaster en wethâlders fan de gemeente Ljouwert hat besletten de bestjoersferantwurdlikheid fan it Rely Jorritsmafûns oer te dragen oan in selsstannich bestjoer. It kolleezje bliuwt as beskermhear foar it fûns opkommen en stiet ek noed foar de kontinuïteit fan it fûns as tafersjochhâlder.

Dêrby sil it Rely Jorritsmafûns njonken it Frysk Letterkundich Museum en Dokumintaasjesintrum (FLMD) foar in part ûnder in personiele uny wurkje. It FLMD rikt ek ferlykbere prizen út. Dêrtroch komt der ek in bettere gearwurking tusken beide organisaasjes en kin de Fryske Literatuer better foar it fuotljocht komme. It fûns kriget troch it selsstannich bestjoer mear bewegingsfrijheid om him fierder te ûntjaan.… Lês fierder

De Friese bibliotheken bouwen aan meertalige bibliotheken. Dat doen ze in de bibliotheek, maar ook op scholen. Om scholen te adviseren over en te helpen bij meertaligheid in de klas, hebben de leesconsulenten van de bibliotheek allerlei werkvormen verzameld en ontwikkeld. Al deze werkvormen en suggesties voor scholen zijn gebundeld in het boekje Myn taal, dyn taal. Het eerste exemplaar werd uitgereikt aan de leerkrachten van de Prins Bernhardschool uit Kollum.

Lês fierder by RTV Noordoost… Lês fierder

Jakob Tholund is op 8 maart ferstoarn. Dat hat de Fryske Rie buorkundich makke. Tholund hat syn libben lang warber west foar de kontakten tusken Frysktaligen yn de Nederlânske provinsje Fryslân en it Noard-Dútske Noard-Fryslân.

Lês fierder by It Nijs… Lês fierder