Hûndert ferhalen fan hûndert skriuwers op hûndert idyllyske bûtenlokaasjes yn Fryslân: dat is ‘Utsteld lok’, it programma fan Ljouwert UNESCO City of Literature tidens Arcadia. De list fan hûndert skriuwers út binnen- en bûtenlân is hast kompleet. Wa’t ​​in moai plak hat dêr’t in ferhaleferteller dizze koarte ferhalen oan it publyk hearre litte kin, kin syn/har tún of lokaasje oanmelde.

Ljouwert City of Literature is op syk nei partikuliere en iepenbiere bûtenlokaasjes yn Fryslân dy’t it plak wêze kinne dêr’t publyk live nei in ferhaal harkje kin. Alle hûndert dagen fan Arcadia (7 maaie oant 14 augustus) is der in nij ferhaal te hearren.… Lês fierder

Yn ’e midsiuske kelder fan it Alde Stedhûs fan Frjentsjer, Riedhúsplein 1, is in útstalling ynrjochte fan poëzy fan Tsjisse Hettema (Bitgum 1955-Frjentsjer 2021) en filtwurk fan Aafje Bouwer. Dy gedichten keppele oan byld yn filt kamen yn 2021 út yn ’e bondel Hewwy dàt.

Sjoch foar mear ynformaasje by Frysk en Frij… Lês fierder

Mercator krijt in Europeeske subsydzje foar de ûntwikkeling fan learmiddels om bedrige talen in plak te jaan yn de klasse. Mercator is it Europeesk Kennissintrum foar Meartaligens en Taallearen, in ûnderdiel fan de Fryske Akademy yn Ljouwert.

Lês fierder by Omrop Fryslân… Lês fierder

Grutte Gedichtejûn op 4 febrewaris yn Dokkum

Bliid as in protter kin de redaksje fan Frysk literêr tydskrift Ensafh oankondigje dat fanwegen de nije koroanamaatregels de Grutte Gedichtejûn diskear wer yn it echt plakhat. Ferline jier wie it folslein digitaal, dichters hawwe doe filmkes ynstjoerd, mar dit jier steane der mar leafst fjirtsjin dichters yn de IIsherberch yn Dokkum. De poëtyske jûn stiet plend op 4 febrewaris en begjint om 19:30 oere.

De Grutte Gedichtejûn is in soarte fan poëzymaraton, mei’t alle dichters ien fers foardrage. Wat is in poëzyjûn sûnder muzyk? De nedige muzikale ôfwikseling komt dêrom fan it duo Onno en Henderikus.… Lês fierder

Ik bin in winterbern. Op ‘e wrâld kommen op in sinneskyn dei dat de temperatuer stykjen bleau op in graad as 5 ûnder nul. In waartype dat myn libben lang my as ideaal foarkomt. Ik hâld fan snie en iis, sels fan kwalster en skraabje fluitsjend de autoruten. Mar it ultime gelok is foar my it liet fan it iis. Sjongend, knappend, lokjend as in sirene en dan wer bangmeitsjend. Bûtenierdsk moai.

Lês, sjoch en harkje fierder by RIXT… Lês fierder

Arjan Hut is dichter fan de moanne by RIXT yn jannewaris 2022. Folgje de dichters is syn twadde moannegedicht.

Folgje de dichters

Wy wennen earder op de Nachtegaal
mar ferfarren op in heidensk skip nei in strjitte
neamd nei in eilân, djip yn de stêd
fan skaden

De reis wie wyld, buken skuorden iepen
en as we songen spatte guon it bloed fan de
tosken

Lês fierder by RIXT… Lês fierder

De fakulteit Letteren fan de Ryksuniversiteit Grins is op dit stuit dwaande om in profyl op te stellen foar in nije heechlearaar Frysk, om’t professor Goffe Jensma ein 2022 mei pensjoen sil. DINGtiid publisearre yn 2020 in advysrapport oer de kennisynfrastruktuer fan it Frysk. Dat resultearre yn in ferdjipjend advystrajekt oangeande de universitêre frisistyk. Yn in advysbrief oan de RUG jout DINGtiid sadwaande ynput foar it profyl fan de nije heechlearaar Frysk.

Lês fierder by Dingtiid… Lês fierder