oardel jier hanwosken,
mei gjinien fûstke,
thúsbleaun,
neuroatysk de lucht ferfarske,
mûlekapkes droegen,
ôfstân holden
ta de meiminsken,
de bern en bernsbern
amper sjoen,
oardel jier bang west
foar in firus
en dan stjerre oan in hertstilstân… Lês fierder
Syds Wiersma reizge dizze simmer troch Ierlân om dêr in dichtbondel te
skriuwen. Yn 2019 makke er in begjin mei dit projekt. Guon fersen ferskynden
koartlyn yn Ensafh 3 en 4.
It gedicht ‘Saint Brendan’ ûntstie nei de beklimming fan Mount Brendan,
in berch oan de westkust fan it Ierske skiereilân Dingle.
Neffens de tradysje liede Brandaan (c. 484 – c. 577) dêr in
kleastermienskip en boude er by in ynhamke oan de foet fan dy berch syn
currach-achtige boat dêr’t er jierrenlang mei in groep muontsen en in
pear ûnleauwigen mei op de Atlantyske oseaan omswalke.
Saint Brendan
Dingle, Brandon Creek
In bytsje as wekker wurde út in boartlike
dea, de kleare stilte dêr’t ik yn ôfdaal.… Lês fierder
Yntroduksje
Ik bin opgroeid yn De Westereen, in doarp mei in eigen taaltsje: “Hikke en teen yn De Westereen”. De Westereen hat in bepaalde namme yn Fryslân, mar iksels wie de bange en bleue kant it neist. As jonge puber harke ik meastentiids nei de Veronica top 40. Mei de slachsin “Met The Stones op één, voel je je blij van top tot teen” wûn ik in platebon, doe’t Brown Sugar op nûmer 1 stie. Wylst ik noch gjin platespiler hie, kocht ik dochs myn earste LP… Sticky Fingers (de hoes wie útfierd as in spikerbroek mei rits). Dit jier is it 50 jier ferlyn dat dy LP útbrocht waard.… Lês fierder
De foardracht fan it gedicht ‘Aarhus’ fan Elmar Kuiper is in foarpublikaasje fan de twatalige blomlêzing ‘Oar hûs / Et andet hus’ (Hispel 2021) mei dêryn fjouwer Fryske dichters (Elmar Kuiper, Geart Tigchelaar, Cornelis van der Wal en Syds Wiersma) en fiif Deenske dichters (Annemette Kure Andersen, Tomas Dalgaard, Peter Laugesen, Mads Mygind en Carsten René Nielsen). In filmke fan Geart Tigchelaar.
fanmòrren lúden de klokken fan ’e Groate Kerk
krekt even un bitsje anders as anders
fleurech en útgelaten om dyn komst an te kondegen:
Nouvé van der Veer sundachskyn út Amsterdam
de lucht is swanger fan nieuwe dagen
in ut tòpke fan ’e treurwilg boven de Kerkracht
slaat un sanglyster fleurege toanen an
dúkt aalskòlver hotel-de-botel kòpke onder
iedereen mach ut wete at ik as groatse pake groatfader
un wibelech roestfrij stalen trapke opklim
om ’e flach út te steken
un Indise frou in westerse klearen trippeltrappelt foarbij
siët mij ferwonderd an, doët un klein dúmke omhooch
en seit dúdelek en helder: ‘selamat bertunang’
de weareld is dyn speultún Nouvé
wees fan harte welkom jonge
we make der wat moais fan… Lês fierder
