Oarekant fan it lûd, soms, kleur
Kalme geast, ûnderdompele,
yn it alderwytste, en waarmste giel.
molekulen binnenyn,
fine fermoedsoening
mei de ûneinichheid.
Sulverwyt Merkuriusfocht,
skilderet myn biente
mei it sêfte ljocht.
Do bist werom.
Ryklik, waarm sâlt,
wetter hat my ynkapsele.
Sels yn dizze stoel,
yn dizze lege keamer.
Op it droege.… Lês fierder
Ik ha it earder nea sa foarsichtich dien
De swiete drankjes fan dyn mûle
Binne as kastielen wosken yn hunich.
Ik ha it earder nea sa foarsichtich dien.
Do hast in kring fan kastielen
Om myn pimel set en litst se wimelje
as it sinneljocht op ’e wjokken fan fûgels.
(Oersetting: Piter Boersma)
*
I’ve Never Had It Done so Gently Before
The sweet juices of your mouth
are like castles bathed in honey.
I’ve never had I done so gently before.
You have put a circle of castles
around my penis and you swirl them
like sunlight on the wings of birds.… Lês fierder
wjerljocht
wjerljocht sammelet kleur en fjoer
laserpylken sjitte út it wetter fuort
nêst ferbaarnt, eksters skatterje
hûs riist neaken op út reek en jiske
bonkerak sjoot balken, spikers, inisjalen
fêstlein yn in boek fan myte en leginde
rendez-vous-skommel
wurden rûgelje út myn holle
stuiterje op noas en tosken
skerp, skjin en parfumearre
morfemen wize twa skonken paad
glinsterje en reflektearje de nacht
oant de rendez-vous-skommel ferskynt
wite skipkes
sinne glûpt troch beammen
reindrip foar it finster filteret
kleuren giselje de oseaan
trije skipkes dobberje op it tij
fersjitte fan foarm, ferstopje har
wurde wyt yn ’t baarnend ljocht
*
Rinnend lâns it 4 km lange strân fan Hendaye op de lette jûn- elke dei in oardeloere – mei útsjoch op de Atlantyske Oseaan, kamen dizze fersen/observaasjes eins fansels yn myn kop omheech; as ik wer thús wie skreau ik se op, sa likernôch tusken novimber ’15 en septimber ’16.… Lês fierder
skedel mei noch geve toskjes
bonken los of brutsen
in plôk skier hier
healheech helmgers
dat de dea ûntkent
gifgrien stjerremoas
as lêste rêstplak of
beklaaiïng fan de kiste
giel poddekrûd, in
roukrânse sûnder lint
ik rin in lêste krús,
klyster sjongt it rekwiëm… Lês fierder
Wiisdom
(de maris sapientia)
Fregest my net hoe’t it libben
syn guozzeflecht nimme moat
mar moatst dy lokkich achtsje
mei in goed stik yn ’e rêch
Doe wie wiisdom altiten
Boëthius:
Mei de kear rjochting ûngelok
is sels de groanysk ûngelokkige
fan betinken dat er foarhinne lokkich wie
Reizgers binne we
altiten let en och
wêrdat hinne?
Noch sa faak en folle
fannijs opbouwe ferneatigje
sjen fiele hearre rûke priuwe
Wiisdom soe dan wêze
stoarmen ôf te reizgjen
en somtiids skippen te ferbaarnen… Lês fierder
Dit is de tredde ôflevering fan in rige koarte reaksjes/sinjaleminten op dichtbondels dy’t yn ‘e beneaming komme foar de Gysbert Japicxpriis 2017. Ensafh ropt de lêzer op om ek op de bondels te reagearjen. Dat kin op it bewende redaksjeadres. Klik hjir foar diel 1, klik hjir foar diel 2.
De longlist fan de útkommen bondels is opskjinne troch J.Q. Smink en is hjir te finen. (pdf). Dizze list befettet links nei de reaksjes.
It soe my net fernuverje as de bondel dy’t Geart nei foaren skoot, Hiemsiik fan Elmar Kuiper op de shortlist komt en faaks ek noch mei de priis oan ’e haal giet.… Lês fierder
Dit is de twadde ôflevering fan in rige koarte reaksjes/sinjaleminten op dichtbondels dy’t yn ‘e beneaming komme foar de Gysbert Japicxpriis 2017. Ensafh ropt de lêzer op om ek op de bondels te reagearjen. Dat kin op it bewende redaksjeadres. Klik hjir foar diel 1.
De longlist fan de útkommen bondels is opskjinne troch J.Q. Smink en is hjir te finen. (pdf). Dizze list befettet links nei de reaksjes.
Dû hast grut gelyk, Edwin, datst Jansma nei foaren skoost as ien fan de kânshawwers, want as nomaden yn tinten teplak is in prachtbondel. Sa’t der de lêste tiid folle mear goed wurk ferskynd is.… Lês fierder