Poëzij

Friedrich Hölderlin, Piter Boersma

De skûlherne fan Hardt / Der Winkel von Hardt

Pleatst op
logo.ensafh

 

 

Friedrich Hölderlin

De skûlherne fan Hardt

Nei ûnderen sinkt it wâld
En knoppen allyk, hingje
Nei binnen de blêden, foar har
Bloeit dêr in delte op,
Net sûnder ferhaal.
Dêr ommers kaam Ulrich
Lâns; faak mimeret, boppe de fuotleast,
In grut needlot
Ree, op it oerstallich plak.

Oersetting: Piter Boersma

Der Winkel von Hardt

Hinunter sinket der Wald
und Knospen ähnlich, hängen
Einwarts die Blätter, denen
Blüht unten auf ein Grund,
Nicht gar unmündig.
Da nämlich ist Ulrich
Gegangen; oft sinnt, über den Fusstritt,
Ein gross Schicksal
bereit, an übrigen Orte.… Lês fierder

Jetze de Vries

Eilânman

Pleatst op
logo.ensafh

 

In man leit mei syn bêste each nei de muorre, syn bline each waakst
as oerspande soldaat, droege skulpen bin ferjitten hoe’t rûzjen
sjongt – miskien driuwt der in deidream lâns, yn rustreade boat
heupheech yn in plasse, ik druk op de knop by de papegaai
skrikst op troch ûnbekende hannen, in iepen
mûle heakket oan it lêste fleis
hjir driuwt myn heit … Lês fierder

C.O. Jellema, Edwin de Groot

Driuwjacht

Pleatst op
logo.ensafh

 

Plat op ‘e rêch de lange leppelearen,
lei hazze yn ’e greppel op ’e skûl,
en ik, wyls dat ik neieroan kaam, die,
myn taak as driuwer dus fersaakjend, as
waard er net sjoen, net de eagen pûljend
yn noed, in lege blik as seach er my net,
net achter my de wide frijheid, mar
in neat yn him, in gat dêr ‘t er foar lei,
te djip, te breed en doar te springen.
Doe, mei in stap fan my oan him foarby,
yn ien tel wie er fuort – my omdraaiend
(flok út ‘e sleatswâl wei, lykwols gjin skot)
seach ik him útnageljen nei de hoarizon,
al hast in stip op wyt beferzen klaai.… Lês fierder

Heidi Andringa

Kyrië-eleison

Pleatst op
logo.ensafh

 

In moai ferhaal en kear op kear
wer prenataal om ’t jier op alle dagen.
Sillich feest fan kearend ljocht,
hillich de faam dy’t drage mocht,
it neakene, it teare.

Megasintraal: mei mear en mear
wer oan ’e haal, it leit as lead op magen.
Billiket baatsucht leugenljocht?
Om it tredde laam nimmen tocht;
folfretten frede beare.

Ald krystkoraal ferwurdet klear
sjongsum fan taal, trochtrillet alle lagen.
Besibjend tankjen byinoar brocht.
Dy’t thús kaam om de oaren socht,
hy pleistere op ’t seare.… Lês fierder

Hein Jaap Hilarides

Guess it

Pleatst op
logo.ensafh

 

acaciabadmintonplúmpys, duven graze dooie mîgen
boer breekt myn klomp
betoan fernedering eer
ferhoog fernederlând
fereer fernederlander
water an de lippen

Guess it
Een edel beest? Welk n letter woord?

Kinderen rijden op mij
Ik hinnik
Ik ben van hout
Wat ben ik?

H . . . . . . . . . D

Een megahoog bedrag. 18.500,- euro.
Zeker geen klein bedrag voor een woord wat te doen is.
Speelgoed zonder stekker.
Goed voor het evenwichtsgevoel.
Het is pas moeilijk als ze moeten springen.
Je hoeft je niet te generen dat je dat wilt winnen.
In deze tijd waar iedereen aan zichzelf denkt.… Lês fierder

Friedrich Hölderlin, Piter Boersma

Libbensrin / Lebenslauf

Pleatst op
logo.ensafh

 

 

Libbensrin

Wat grutters woesto ek, mar de leafde twingt
Us allegear del, it lijen bûcht krêftiger
Mar hy draait net foar neat
Us bôge, nei wêr’t er weikomt.

Omheech of omleech! hearsket yn hillige nacht,
Dêr’t de stomme natuer op nije dagen briedt,
Hearsket yn de skeanste ûnderwrâld.
Net wat rjochts, in rjocht ek noch?

Dat waard ik gewaar. Want nea, stjerlike masters lyk,
Ha jim himelsken, jim allesynstânhâlders,
Nei’t ik wit, mei belied
My oer it sljochte paad laat.

Dat de minske alles besiket, sizze de himelingen,
Dat er, trochfuorre, leart om te tankjen foar alles,
En de frijheid ferstiet,
Op te brekken, nei dêr’t er wol.… Lês fierder