Kollums

Anneke van Renssen

Lúkse foar elkenien, yn tiden fan krisis

Pleatst op
logo.ensafh

Gelokkich: de hjeldagen binne sa’n bytsje foarby. Willem en ik hawwe in ôfgryslike hekel oan benammen de Krystdagen. Al dy ferskriklike krystbeammen, hiele strjitten mei lampkes, al dy supermerken fol mei ‘lúkse foar elkenien’. Dy lúkse bestiet dan út gourmetguod, rollades, kant-en-kleare sauskes, woarstjes, gebak ensfh. Allegear fierstente folle foar in normaal húshâlden en fierstente djoer yn dizze tiden fan krisis natuerlik. Want it is krisis, dêr komme wy net ûnderút. Takom jier moatte wy mei syn allen besunigje en net sa’n bytsje ek. De broekriemme moat oanhelle wurde.
Mar deis nei de Kryst krige ik in moaie ynfal, fyn ik sels.… Lês fierder

Willem Winters

Postordershop

Pleatst op
logo.ensafh

Lêstendeis wie de gjin-reklame stikker fan ‘e foardoar ferdwûn. Om’t ik net daliks in nije helle kamen der dikke pakken reklamefolders yn de bus. Nei in pear kilo hie ik myn nocht en makke op ‘e kompjûter in nije stikker. De iennige brosjuere dy’t my wol noaske, waard my tastjoerd troch Postordershop.nl.
Wat se dêryn net oanbiede, it is net te leauwen:
As ik myn teannagels behoffenje wol, dan rint dat fanwege myn faak stive en pynlike rêchbonke, altyd út op in ‘Greate Wrakseling’. Postordershop.nl skaft rie: ‘Met onze elektrische Pedicare is je probleem opgelost. Het 15 cm lange verlengstuk maakt dat je armen weer lang genoeg zijn en dat je rug wordt ontzien.’… Lês fierder

Jelma Knol

Yn it harnas

Pleatst op
logo.ensafh

Jannewaris begjint weemoedich. Yn ús eigen provinsje moasten wy ôfskied nimme fan in tal treflike minsken dy’t in soad betsjutten hawwe foar de Fryske taal en kultuer. De wrâld fan de Alde Muzyk nimt dizze wike ôfskied fan Gustav Leonhardt, eminint pionier en learmaster fan twa generaasjes musisy dy’t de wrâld fan en foar Bach eksplorearren en mei prachtige útfierings tichter by it publyk brochten.
It prachtige konsert dat it Nederlands Kamerkoor tiisdei yn de Grutte Tsjerke brocht ûnder lieding fan Jos van Veldhoven en twa ensembles mei ferneamde ynstrumintalisten wie sa yndirekt in earbetoan oan alles wat ûnder Leonhardt en syn neiste kollega’s ta stân brocht wie.… Lês fierder

Skermer

Knibbelje foar JWdV

Pleatst op
logo.ensafh

Slach de krante iepen, sjoch op it ynternet. Knibbelje foar JwdV fan de Kulturele Haadstêd is yn Fryslân de nijste trend. Dat it is gefaarlik yn Fryslân! Want dêr’t knibbele wurdt is men jins libben net feilich. Foarearst noch yn figuerlike sin, Mar sa’n AdV, dichter en sjoernalist, ferkeart as knibbeler al op it rântsje, hy hoecht noch mar in lyts triuwke of hy slacht der op. Elkenien dy’t him kritysk uteret oangeande it idee fan de Kulturele Haadstêd en it gedoch (polityk en organisatoarysk) deromhinne wurdt troch him weiset en útracht. Hy giet net yn op wat nei foaren brocht wurdt, want dat docht der net ta.… Lês fierder

Anneke van Renssen

Sikehûs

Pleatst op
logo.ensafh

Ik ha wol ris heard fan minsken dy’t har tariede op ûnferwachte saken. Dy hawwe bygelyks in piama, skjin ûnderguod, in moarnsjas ensfh. klear lizzen foar as se yn it sikehûs belânje. Sa sit ik net ynelkoar. Mei as gefolch dat doe’t ik lêstlyn ûnfoarsjoens op ’e hertbewekking yn it MCL rekke, ik my net allinnich drok meitsje moast oer wat er oan ’e hân wie, mar ek oer wat Willem oan klean foar my meinimme moast. Ik ha net iens in piama, ik ha it leafst sa min mooglik oan yn bed. ‘Nim mar in pear T-shirts mei en wat ûnderguod.… Lês fierder

Willem Winters

Ferklaaie

Pleatst op
logo.ensafh

Ferkearde klean foar de sitewaasje dy’t him foardocht, wa hat der no net ris mei te krijen hân. Jo geane net yn ’e koarte broek nei in begraffenis, de etikette skriuwt soks foar. Mar tsjintwurdich sjogge jo yn stee fan it eartiids ferplichte swart ek guon lju yn harren deistige klean, yn alle kleuren fan ’e reinboge. Dat steurt nimmen.
Gongen myn alden op begraffenis dan moast der liend of wol hierd wurde, want jo moasten de holle bedekke en in swarte jas drage. Wat is hjirfan oer? Net folle tink, de sikstys hawwe de noarmen ek op dit mêd feroare.… Lês fierder

Anneke van Renssen, Willem Winters

Afrika, Beethoven, Bolero, Händel / Swarte muzyk

Pleatst op
logo.ensafh

Ik ha deis sa myn fêste programma. Om acht oere hinne út bed, twa grutte bakken kofje, de Folkskrante lêze, ûnder de dûs. Om tolve oere hinne in stikje bôle mei tsiis en in gleske molke. Willem soarget dêrfoar. Bytiden wol ik gjin tsiis mar in aaike. Sêft. As ik út ’e bân spring in tosty. Middeis is it tiid foar it echte wurk. Dan moat ik oan ’e gong mei de boekhâlding fan ús soan Marten, ik wit net wat foar oare putten foar him en neitinke oer wat ik no wer skriuwe sil. Tsjin fjouwer oere is it tiid foar myn deistige programma op tillevyzje: ‘Wie is de chef?’  … Lês fierder