Kollums

Willem Winters

Grutte Seal

Pleatst op
Reagearje
logo.ensafh

Se steane op ’e nominaasje foar it mes fan ’e minister & wethâlder, mar pakke noch gau even út. De biblioteken. Gratis boeken!
Yn in fleurich omkaft, tekst yn read wyt blau, swart en noch in stikje giel, jouwe se elk dy’t wol, in eksimplaar fan De Grote Zaal fan Jacoba van Velde.


In topper, in roman dy’t yn 1953 yn Nederlân útkaam en dêr’t neat fleurichs oan is.
In âlde frou kriget in harsenynfarkt, rekket ferlamme en bedarret yn in ferpleechhûs.
Dêr kriget se te meitsjen mei de hjoed noch altyd problematyske kanten fan de âldereinsoarch, hoewol’t der op dat terrein sûnt de jieren ’50 wol ferbettering kaam is, foarmje de omstannichheden yntramuraal [fral ferpleechhûzen], noch altiten in djippe yngreep yn it libben fan âlde minsken.… Lês fierder

Skermer

De Wei fan Ernesto Che Guevara (1928-1967)

Pleatst op
Reagearje
logo.ensafh

che-yn-1951

che yn 1951

Ut Reisoantekens 1), it ferslach fan in reis op ‘e motor troch Latynsk Amearika dy’t Ernesto yn 1951-1952 makke mei syn freon Alberto Granado (it begjin):

‘Dit is net it ferslach fan yndruk meitsjende heldedieden, mar it is ek net allinne mar in ‘wat synysk ferhaal’; sa is it alteast net bedoeld. It is in haadstik út twa libbens dy’t op dat stuit in skoft mei-inoar op gongen, mei mienskiplike aspiraasjes en dreamen. In minske kin yn njoggen moanne fan syn libben oan in protte dingen tinke, fan ferheven filosofyske bespegelingen oant de leech-by-de-grûnske langst nei in board sop, al nei’t er de mage fol hat of net; en as er dêrby ek noch in bytsje aventuerlik ynsteld is, kin er yn sa’n snuorje mominten trochmeitsje dy’t faaks ek foar oaren nijsgjirrich wêze kinne en dy’t foar de fûst wei opskreaun, sa’n bytsje de ynhâld foarmje fan dizze oantekens.’… Lês fierder

Willem Winters

Agnita Feis

Pleatst op
Reagearje
logo.ensafh

Freegje ris: wa wie de frou fan Theo van Doesburg [1883-1931]. Hast elk komt dan mei Nelly. Sy en Theo diene mei oan de lêste Dada fjildtocht troch Nederlân yn 1923, dy’t yn Drachten einige mei it ferneamde optreden fan Kurt Schwitters. De Doesburgen en oare dadaïsten lieten it hjir oan Schwitters oer. Oant safier bekende kost.
Dêrnei bringt it boek Avantgarde! Voorhoede? 1) dat ik foar in pear euro’s op de iepen dagen fan Steven Sterk keapje, my op in nij spoar. Want dêryn fyn ik in opmerking oer de earste frou fan Van Doesburg: Agnita Feis [1881-1944], wylst ik net iens wist dat er mear froulju hân hie.… Lês fierder

Anneke van Renssen, Willem Winters

Pepsels (en Rondo’s)

Pleatst op
Reagearje
logo.ensafh

Anneke van Renssen

Pepsels

Tsjintwurdich binne wy nochal kritysk op ekstraatsjes. As wy alris sûndigje dan moat it wol lekker wêze. No hienen wy ússels tastien dat wy yn ‘e fakânsje sa no en dan wol wat ekstra’s hawwe mochten. In kilootsje derby soe net sa slim wêze. Dat bist mei in wike goed oan ‘e lijn dwaan wol wer kwyt. It gong oars. Benammen yn Bosnië die bliken dat de gastronomy dêr neat om ‘e hakken hat. Gjin hearlike patees lyk as yn Frankryk. Gjin Italjaanske gorgonzola en gjin fantastyske chorizo’s út Spanje. Yn de skraach te finen supermerken yn Bosnië wie hast neat te krijen.… Lês fierder

Skermer

Dit is gjin oprisping

Pleatst op
Reagearje
logo.ensafh

Ik bin foar de arbeiders en de gewoane wurknimmers en ik bin tsjin oandielhâlders, bankdirekteuren, bedriuwsbestjoerders, kommissarissen, managers en politisy dy’t it om jild en besit te rêden is.

Ik stean oan de kant fan de minsken dy’t yn de maatskippij net meikomme kinne.
Ik ha dêrta in nije politike beweging oprjochte, in beweging dy’t spuit op en striid tsjin it allerhillichste útgongspunt fan hjoeddedei: winst meitsje, mear garje as nedich is.
Myn beweging wol ta op in goed en ienfâldich bestean foar elk minske.

Wannear hat men in goed bestean? As jins sosjaal libben – it op in beskate wize meidwaan yn it maatskiplik libben, it meidwaan oan guon ferdivedearjende en aardige saken – net yn ’e wei stien wurdt troch earmoede.… Lês fierder

Willem Winters

Hoe meitsje ik foto’s?

Pleatst op
Reagearje
logo.ensafh

Yn ’e fakânsje doarmen myn tinzen nei fakânsjefoto’s. Dy fan it type: Heit by de dom fan Keulen en mem by de fontein, ensafuorthinne. Jo wolle thús sjen litte wêr’t jo taholden ha. Sokke foto’s knip ik net faak mear.

Sa wiene wy yn Mostar en Sarajevo.

Yn Mostar is de antike brêge – de Stari Most – in toeristyske topper en in symboal foar de relaasjes tusken de ferskate groepen. Yn fotoboeken, op wandbuordsjes en aansichten, oeral sjochst de Stari Most.

Yn Sarajevo seagen wy de brêge dêr’t Ferdinand fan Eastenryk deasketten waard en WO I losboarste. Minder bekend is de brêge fierderop út de wurkpleats fan Eiffel.… Lês fierder

Skermer

Sosjale op- en delgong

Pleatst op
Reagearje
logo.ensafh

Yn De Groene Amsterdammer fan 16 septimber 2010 seit Sadik Harchaoui, direkteur fan it ynstitút foar multykulturele fraachstikken Forum yn de fraachpetearsearje ‘It algemien belang’: ‘Foar it earst hat de middenklasse net mear fanselssprekkend it gefoel dat har bern it better krije sille as sysels. Dat is hiel wichtich. Polityk en belied gean oant no ta inkeld oer sosjale stiging, yn it ûnderwiis, op ’e arbeidsmerk, op ’e wenningmerk. Mar minsken moatte wier rekken hâlde mei sosjale delgong. En wat bart der dan? Hoe giet men dêr mei om?’

Dat brocht my as fansels in passaazje yn ’t sin út it begjin fan in ûntjouwingsroman út de njoggentjinde ieu, Der grüne Heinrich, fan de Switserske auteur Gottfried Keller (1819-1890).… Lês fierder