Ik sit foar myn skerm en ha it tekstferwurkingsprogramma wp12 iepene. De letterynstelling is Times New Roman, 12 punts. Dy letter, yn dy grutte, soarget foar in rêstich en dúdlik byld. Oan wjerskanten fan it wite tekstflak binne de rânen donkergriis.
Yn myn wurkkeamer is it ljocht oan, yn ’e wenkeamer dêr’t ik troch de iepen doar útsjoch op ha, brânt gjin ljocht. It is dêr skimerich, troch de ruten sjoch ik de donkergrize loft, it is goed seis oere.
Ik sko in cd yn ’e kompjûter mei ein sechtjinde- en begjin santjinde-ieuske geastlike muzyk, dy’t ik keazen ha om it prachtige sjongen en om ’e rêst dy’t der fan útgiet.… Lês fierder

Noch nea in bewegend gedicht fan Tonnus Oosterhoff sjoen? Sjoch: www.tonnusoosterhoff.nl. Kinst seis gedichten oanklikke. Ik beskriuw trije:
‘Monster’: Op it skerm ferskynt út ’e dize wei in skiere tekst, hieltyd dúdliker wurdend, mar dan komme oare rigels oer de earsten hinne te stean, in hieltyd yntinsere grymgram, dan seit in stim in oare tekst: ‘Hierdoor naar binnen naar buiten…’. Dan ferdwynt de tekst stadichoan en ferskynt hjir en dêr in wurd fan in rigel en sa geandewei it hiele gedicht.
‘Ik niet meer’: It wurd IK ferskynt, oer it hiele skerm sa grut, tusken en om ’e twa letters ferskynt geandwei in tekening fan allegear grimelige lyntsjes en figuerkes, hiel gaoatysk en yn dy gaos wurdt it wurdt IK geandwei lytser en ferdwynt it yn it middelpunt fan it skerm.,… Lês fierder

Skermer. Om’t ik eins altyd it Nederlânske ekwivalint fan in Frysk wurd yntype moat om op ynternet wat op te sykjen, die ik dat no ek. ‘Schermer’, 865000 fynplakken. By it earste fynplak gong it om de Noardhollânske gemeente Schermer. By de earste trijehûndert gong it om dy gemeentenamme en om persoansnammen, net mear as fjouwer kear om immen dy’t de skermsport beoefene en dan ek noch trije kear om itselde berjocht: dat de skermer Bas Verwijlen njoggende wurden wie yn Iran. ‘Skermer’ levere 4400 fynplakken op. Hast allinne mar as persoansnamme op allegear Ingelsktalige siden en in pear Skandinavyske, dêr’t it wolris ‘byldskerm’ betsjutte koe.… Lês fierder

Skermer. Om’t ik eins altyd it Nederlânske ekwivalint fan in Frysk wurd yntype moat om op ynternet wat op te sykjen, die ik dat no ek. ‘Schermer’, 865000 fynplakken. By it earste fynplak gong it om de Noardhollânske gemeente Schermer. By de earste trijehûndert gong it om dy gemeentenamme en om persoansnammen, net mear as fjouwer kear om immen dy’t de skermsport beoefene en dan ek noch trije kear om itselde berjocht: dat de skermer Bas Verwijlen njoggende wurden wie yn Iran. ‘Skermer’ levere 4400 fynplakken op. Hast allinne mar as persoansnamme op allegear Ingelsktalige siden en in pear Skandinavyske, dêr’t it wolris ‘byldskerm’ betsjutte koe.… Lês fierder

De rige kollums dêr’t ik no mei út ein set sil ferskine op ynternet. Ik stel my it folgjende foar. In Amerikaanske biolooch fan Frysk komôf, dy’t op ’e Galapagoseilannen ûndersyk docht nei it hâlden en dragen fan skylpodden, surft oer it ynternet en komt telâne op ’e side dêr’t dizze kollum op stiet.
Sa begûn ik, mar doe woe ik dy Galapagoseilannen sjen en betinke wêr’t de biolooch krekt tahâlde.
Ik seach op Google Earth en dûkte op ’e eilannen ta. Der kamen allegear kraters op my ôf. Ja ommers, it wiene fulkanyske eilannen. Ik gong de kusten fan ’e eilannen bylâns, de binnenlannen yn – in protte bosk en aardich wat marren – ik seach yn it stedsje Puerto Villamil.… Lês fierder