It is de dream fan Jannewietske de Vries. Lêsten op Omrop Fryslân yn in ferkiezingsdebat spegele har PvdA-kollega Konst it de lêzers ek nochris wer as wat neistribbensweardichs foar. Underwilens hat de provinsje immen oanlutsen om yn Fryslân de koppen de goeie kant út te krijen.

In pear wike lyn ha de wichtichste Fryske kulturele ynstellings de gemeente Ljouwert frege om de ambysje farre te litten om kulturele haadstêd te wurden. Dat soe net passend wêze om’t de stêd op kultuer besunigje wol en oars ek al net sa rynsk foar kultuer is.

De provinsje sil ek op kultuer besunigje.

It is tryst dat it de provinsje en kertiermakker Henk Keizer net slagget om mei wat te kommen dat ynspirearret. Mei in fyzje, in idee dat de besunigings nei de achtergrûn skoot, om’t dy besunigings wat oars binne.

It is tryst dat de ynstellingen it near lizze wolle op wat út eigen belang.

Wy meitsje in yntryste foarstelling mei.

Mar it kin noch oars.

Ik noegje hjirby deputearre Jannewietske de Vries en har helpers op it provinsjehûs út om mei my om ’e tafel te gean. De redaksje fan ensafh (redaksje@ensafh.nl) is ree om it kontakt ta stân te bringen. It Frysk festival yn 2012 of 2013 nimme wy der fansels as opstapke by.