Nei sa’n 3000 km en sa’n goeie 30 km út Honningsvåg wei haw ik myn alderearste doel en bestimming fan dizze reis berikt. Dêr’t Sweden mei syn leaflike heuvels suver bernespul wie, wie it lêste stik troch Noarwegen aardich ôfsjen. Nei’t ik in pear dagen besite hân hie mei prachtich waar sloech op de dei fan ôfreizgjen it waar om. Yn twa lange dagen yn rein, snie, hagel en snoeihurde wyn fan Alta nei de Noardkaap fytst. Der wurdt wol sein fan ‘Adventure isn’t always fun’ en dat haw ik merkbiten. It wie domwei op it stjoer bite en trochtraapje. Men hat in bestimming, in punt op de kime en dêr sil men hinne. Net om’t it altiten sa leuk is, mar it liket as kin men net oars. Moat men derhinne.
No op nei Helsinki en fan dêr út wei de Baltyske steaten. Dat lokket my no wer nei myn doel hjir berikt te hawwen en al sa lang yn Skandinavië ombuorke te hawwen. Der binne noch in soad stippen op ‘e kime. Al sil it net altiten oangenaam wêze, derhinne sil ‘k.

http://www.coop-africa.org/nl NL68 SNSB 0906146356 t.n.v. Cycling out of Poverty.