By in bestelling LED-panielen krigen wy lêstendeis in Google Home Mini kado. It like op in aardich moai lûdbokske. Dat wie it ek, mar nei in djipgeande stúdzje bliek it tagelyk ek in soarte fan fernimstige robot te wêzen, teminsten, it koe op gehoar kommando’s útfiere. Ast tsjin him rôpst: ‘Hee Google, spylje muzyk ôf’, dan socht er wat út de playlist fan Spotify en spile it ôf. It wie sels mooglik dat ding in opdracht te jaan om it ljocht oan of út te dwaan en de ferwaarming heger of leger te setten. Ik wie ferbjustere en soks sei hiel wat oer my, want de earste de bêste tûke telefoan koe itselde. Doe’t ik myn ûntdekking dielde mei de bern en pakesizzers laken se my út en seinen plan-út dat sa’n ding al wer âlderwetsk wie. En ik wie noch mear ferbjustere.

Lês fieder by It Nijs