Yntroduksje

Ik bin opgroeid yn De Westereen, in doarp mei in eigen taaltsje: “Hikke en teen yn De Westereen”. De Westereen hat in bepaalde namme yn Fryslân, mar iksels wie de bange en bleue kant it neist. As jonge puber harke ik meastentiids nei de Veronica top 40. Mei de slachsin “Met The Stones op één, voel je je blij van top tot teen” wûn ik in platebon, doe’t Brown Sugar op nûmer 1 stie. Wylst ik noch gjin platespiler hie, kocht ik dochs myn earste LP… Sticky Fingers (de hoes wie útfierd as in spikerbroek mei rits). Dit jier is it 50 jier ferlyn dat dy LP útbrocht waard. Letter kocht ik noch folle mear LP’s fan the Stones. En it frjemde wie… nimmen begriep myn kar foar dizze muzyk, want dat paste net yn it plaatsje wat men fan my hie.

Harm Woelinga

BRUNE SÛKER
dy lytse readkop út de west’reen
beskiet him al yn ‘e berneween
‘t jonkje stie yn ‘e broon
hie it net yn ‘e hoon
elke losse hûn biet yn syn breen

’t wie dy snotnoas yn ‘e plasse sleen
stapte op in middei yn de treen
allinnich nei ljouwert
sa stjerrende benaud
dy stumper smarde syn billeween

dy útstutsen tonge wûn terreen
syn held bejaggerde him folsleen
in brommer mei heech stjoer
it lange hier fol fjoer…
brune sûker hat de greens ferleen

Klik hjir foar de cover fan Sticky Fingers.
Klik hjir foar Brown Sugar op You Tube