Yn ús yndividualistyske maatskippij giet dit boadskip oer it yndividu, do as yndividueel minske kinst sels kieze foar lok, foar sukses. En ast dat gelok dus berikt hast, hast gewoan hurd wurke. Dan binne alle credits foar dy. En dat wolle minsken graach. Googleje mar ris op ‘gelok ôftwinge’ en fynst der allegear tips om dizze ‘Dutch dream’ wier te meitsjen.

‘Gelok is in kar’ is in dreech boadskip. It is in boadskip dat inkeld yn goede tiden, op plakken fan foarspoed en troch minsken dy’t it gelok hân hawwe suksesfol te wêzen, betocht wêze kin. It lit gjin romte foar de nuânse fan ûnderskate omstannichheden en oan- of ôfwêzigens fan kânsen dy’t mei bepale oft lok en sukses, wat dat dan ek mar wêze mei, foar jin weilein is.

L6es fierder by Omrop Fryslân