Lat eemages
lik filskit hunds
tummel owre een anidder
lat eemages yalk in trenkies.

Lat a fraacht o ooey eemages
pearl an leep
lik unroo’d sheep anunder simmer sun.

First yokk a hadd o da rottweiler i da trenkie
dan yark dat göd auld pooch’s tail
geeng farder wi eemages brunt eemages
geeng farder wi colcoomed hunds up trenkies.

Geeng on

shivvel up da brucks o dugs, blackbag dem
rös fiercely da dug monument.

say: we eemages ir med o marble
an didna raelly want ta be lik dis
but dey’ll keep gyaain
wir yalkin players
dey’ll aye gien on.

Mak a lorrylod o eemages: sheep eemages
but lat gien da speetin eemages o sheep i da green mödows
an forjet da mirror eemages o sheep
forjet yon blett nyaarmers.

Hail da rottweiler!
Hail da perfect eemage o a dug!

Cry muzzle eemage fur mooth
send göd aff on a tow.

lat da göd auld pooch rest him.
 

Elmar Kuiper – Bylden (Frysk)
Rab Wilson – Eemages (Skotsk)