Ynsjoch yn dyn taalgedrach en taalgewoantes

Afûk, kursusmateriaal pyschology fan dyn taal

Yn de skoallekrante Inktzwam 11, 4, 1976: 7 fan it Nassau [no Bornego] College op It Hearrenfean haw ik it stikje ‘Praet mar Frysk’ (yn de âlde stavering) skreaun oer it hâlden fan in twatalich petear en wat dêr anneks mei is. Ik siet doe sels mei de fraach nei de taalkar: yn wat taal begjinne jo tsjin in ûnbekende; yn it Frysk of yn it Nederlânsk? Ik fûn nammentlik út dat as jo yn sa’n situaasje yn it Nederlânsk begjinne en dêryn trochgeane, dat jo by in foute kar – want de oare blykt úteinlik ek Frysktalich -, der in raar gefoel oan oerhâlde. Om dat gefoel tefoaren te kommen waard myn taktyk om tenei yn it Frysk te begjinnen, want dan fûnen jo dat gau genôch út. Letter wie foar my ferstean fan it Frysk troch de oansprutsen persoan moai genôch; elk koe sa syn eigen taal prate. Myn advys wie doe oan myn meilearlingen: ‘PRAET MAR FRYSK, ek tsjin net-Fryskpraters.’

Lês fierder by Reitze Jonkman op Frisistyk