Fakânsje Brava Kuierke

De Sinne is hjir
Mear fan my
As dat er dat
Thús is, mei my
Op dit stuit
Fan hûs is … lykas
Rein en wyn.

Ik wurd hjir âlder
As god bedoel ik
Wraakberet ék
Yn myn hotel
Lúkse Panteön
Beskôgje ik de
Mindere goaden
By de earetsjinst fan
It Rinnend Buffet

Alle dagen kuierje ik
Kom ik lâns kafeeke
El Rincon, ‘t Hoekje
Op it terras dêr sit
Mei tastimming
Fan hegere machten
In loco lokaal dy’t
Gluoreagjend
Fanút syn hierrige
Halo sa no en dan in
Djippe gjalp op
Toeristen loslit

As er my sjocht
Seit er lykwols:
Ola señor … qué tal?

Rûkt er as in hûn
Dat ik goed folk bin?
Der ek by hear?
Dat ik kettingdûnsjend
Djip gjalpend
Mei al syn maten troch
De wrâld gean kin?

Mei sêftmoedich hert
Rin ik nei see en begjin
Myn deistich fraachpetear
Mei de weagen dy’t
Op it stienstrân brekke
Ik krij antwurden om
Gek fan te wurden

Aanst begjint de
Earetsjinst alwer
Is der noch tiid
Foar in terraske?

Faaks in djippe gjalp?

In hiele djippe gjalp?