Ien fan de nijsgjirrichste boeken oer psychiatry is Ontregelde geesten fan Douwe Draaisma út 2006. Hy is it bekendst wurden mei syn stúdzjes en publikaasjes oer it ûnthâld, mar yn dit boek giet it oer minsken mei in sykte dy’t syn namme krige troch in persoan dy’t dy sykte as earste beskreau. De bekendsten sille James Parkinson, Alois Alzheimer, Hans Asperger en Sergei Korsakov wêze. Draaisma is in skriuwer dy’t by steat is om boeiend oer de minsken te skriuwen dy’t troch in sykte fan de harsens troffen wurde.
Doe’t ik dwaande wie mei Skitterje en skûlje, de biografy fan de dichter Jacobus Q. Smink, fûn ik it spitich dat Draaisma neat skreaun hat oer in bipolêre fersteuring, want krekt dêr waard Smink syn “ontregelde geest” troch feroarsake.
Lês fierder by Goeie
It kin net misse: it hat in poepetoer west foar Marian om de gedichten fan Jacobus oer te setten in it Nederlânsk. Neffens my hat net ien sa ticht, letterlik en figuerlik, by Jacobus west as sy; se hat mei in soarte fan moederaasje mei him praat, mei famylje ek, oerlein, om elts gedicht ek yn it Nederlânsk plak en ynhâld te jaen. En sa lang as it koe ha se tegearre, en letter allinnich, socht en rjocht dien oan in ferantwurde oersetting fan syn nijsgjirrige poëzy.