Anne Feddema syn gedichten yn de papieren edysje fan ensafh ‘Túnfers’, nû 4-2024, s. 24 en ‘Signo de interrogación’, nû 3-2024 s. 5, binne binne net alhiel korrekt werjûn.

Hjirûnder folget de goede ferzje fan de twa gedichten.

Túnfers

Ik sjoch: ik bin
Dit skriuwen
Mear as
In jier lyn
Al begûn

Op dat stuit
Wie oanset
En ynhâld
As tún sels:

Geranium
Bjirk
Ljocht
Klyster
Skaad

Nei in goed jier
Is dat der
Allegear noch
Mar it wurdt no
In oar fers
Stadich dochs
In oare ik

De timelapse kamera
Fan myn libben
Sjit wolkens,
Ljocht en skaad

Hieltyd flugger
Om my hinne

Signo de interrogación

Hoefolle hearehombres
Yn Spanje, soene der noch
Burdsjes hawwe lykas
Fernando Rey?

Dat fregest my?
Hokker burdsjes?
Wa is yn’e goedichheid
Fernando Rey?

Kom op sis
Spilet yn films fan
Luis Buñel?…Buñel?…Dali?
Un Chien Andalou?
Mei dat each?

Burdsjes?
Each?

The French Connection dan?
Gene Hackman?
Oer dy drugs?

Burdsjes?… Eagen?…Drugs?
Wer hellest it allegear wei?
Bist hast klear mei dit ferhear?
It is mar goed dat ik dy in bytsje ken
Mar ik woe dy no dochris freegje:

Kensto my?