Argos’ sinnen
Ien nacht sliep
In lange reis
Oeral west
Alle fersen
Fan juster
Kamen as
Famylje op besite
Wekker werken
Ik wurden wer
Like nij as frjemd
In dei sliep
De fertroude
Gjalp fan
Master
De earen omheech
De wurden sile
Mei stream en wyn.… Lês fierder
Yn de neilittenskip fan Berend Folkertsma (1945-2009) is it manuskript fûn fan in ek wol hiel aparte komposysje: Winkelsintrum Suite. It giet hjir om in oade oan in winkelsintrum yn Dokkum. De fjouwer ûnderdielen binne: Gall & Gall, Snackpaleis, Aldi en C 1000.
De komposysje wurdt hjir útfierd troch de famylje Hamstra, fan Hantum.
It liket wol as oft ik yn in romteskip sit en oer in oare planeet digerje as ik nei de smoarge filmkes sjoch. Mar wat is smoarch?…goar?. Wa sil it sizze?
Ik dan mar, want it is by eintsjebeslút myn kollum no? Sil ik earst ris beskriuwe wát ik sjoch?…of begjinne mei wêr’t ik it sjoch? Dat lêste mar dan.
Op Facebook komme allegear ferskillende filmkes foarby, fan idioate itensiedfideo’s…hoe brûk ik myn bôleroaster oars?…bygelyks foar pankoekbakkerij of soks…of om te rierbakken…betink it mar. Kreative hapsnoarkers dy’t ferve op in doekje útsette as tsjokke M&M’s en der dan in grouwe kwast trochhelje en sjoch in lânskip…tsjoenderij lêzers…jimme keunstskilder, moi alsa, kin wol ophâlde.… Lês fierder
Berend Folkertsma op de ukelele, tegearre mei syn Dokkumer buorlju Ling Ping en Mei-li Ping op tradisjonele Sineeske instruminten.
Hjoed, rju eale, ensafh lêzers, woe ik it mei jimme hawwe oer…it of de, sels witte, Passe-Partût.
De wát?…de (of it dus) PASSE-PARTÛT.
Koartsein: de kartonnen skieding, râne, om in tekening, akwarel, skilderij op papier, ensfh. yn in list, dy’t je dan ophingje kinne oan it lewant of wat je der ek mar mei dwaan wolle.
It is in lienwurd út it Frânsk en betsjut, je kinne it der al yn lêze as jo in bytsje niget oan taal hawwe,…kaai dy’t op alle doarren past.
Yn taal wurdt it wurd ek brûkt foar wurden, dy’t alles en neat betsjutte: plakfine, neist, yn ferbân mei…no sa.… Lês fierder
Nei oanlieding fan de rige oer komponist Berend Folkertsma (1945-2009) waard de redaksje in unike opname fan in oargelspyljende Folkertsma tastjoerd.
De opname datearret út 2004, en is makke yn de Grutte- of Sint Martinustsjerke yn Dokkum. It is net hielendal dúdlik oft Berend Folkertsma ûnder ynfloed wie tidens dizze opname, mar muzikolooch Keimpe Alkema, dy’t in biografy oer Folkertsma skriuwt, mient fan al.
Berend Folkertsma (1945-2009) hat nei alle gedachten trije kear besocht om in symfony te komponearjen. Der binne spitigernôch allinnich mar fragminten fan oerbleaun.
De 2e symfony foar lyts orkest út 1984, is, foarsafier wy it beoardielje kinne, want der is mar in bytsje fan bewarre bleaun, in fleurich stik muzyk. Dat hat grif te meitsjen mei it feit dat 1984 ek it jier fan syn ferloving mei Aafke Hondius wie. De relaasje rûn lykwols al rillegau op ‘e non, en frou Hondius emigrearre nei Kanada. Dêrnei binne Folkertsma syn problemen mei ferslaavjende middels slim tanaam…
De útfiering is fan de famylje Kingma, út Deinum.… Lês fierder