Yn Bialystok haw ik besletten om net dwersoer te stekken oer Warschau en Poznań nei de Dútske grins en dan oer Berlyn fierder it westen yn. Nei Vilnius yn Litouwen hie ik behoarlik tabak fan ‘e grutte stêden. Myn gasthear yn Białystok hie it der ek oer dat noardlik Poalen kwa fytsen en kwa omjouwing folle moaier is as de omkriten fan Warschau.

Dat is yndied wier, want ik haw der in pear hartstikkene moaie fytsdagen opsitten. En ik bin bliid dat ik lytsere plakjes as Elbląg, Morąg en Pasłęk oandien haw en net de grutte stêden. Elbląg wie foar my fuortdaliks ek de lêste stêd dêr’t ik efkes omsjoen haw.… Lês fierder

It liket derop dat ik nei Tallinn en de skop ûnder de kont it leard haw en doch it de reis werom rêstiger oan. Dêrom nim ik no gauris in ‘omwei’. Sa haw ik yn Letlân in prachtich ein by de rivier de Daugava delfytst nei Daugavpils ta ynstee fan nei Rīga fuortendrekst rjochting Kaunas. Ut Kaunas wei haw ik nei lang twiveljen doch besletten om nei de haadstêd Vilnius ta.

Wêrom ek net no’t ik hjir dochs bin en it net op in dei oankomt. Min waar, yn en út de stêd komme is net altiten maklik mei’t se hjir net sa fytserich binne as yn Nederlân mar de stêd en it paad derhinne wienen it perfoarst wurdich.… Lês fierder

Nei de Skandinavyske lannen is it efkes wennen hoe ‘lyts’ oft de Baltyske lannen binne. Men is der samar trochhinne as men der net om tinkt. Mar der om tinke doch ik no krekt wol! Sa’t ik in pear dagen yn Pärnu (Estlân) taholden haw, bin ik no al in pear dagen yn Riga om de stêd op myn gemak te ûntdekken. Mar ek jou ik mysels de tiid foar de skriuwerij en dêr binne biblioteken in útlêzen plakje foar. Men hat der wifi, it is der rêstich, men hat in stopkontakt en men hoecht net perfoarst in bakje kofje te keapjen yn tsjinstelling ta bygelyks in kafee (ik haw altiten myn eigen oploskofje wol by my).… Lês fierder

En sa wie ik nei twa en in heale oere op ‘e fearboat sitten te hawwen yn Tallinn oankommen. Nei dêr omsjoen te hawwen (prachtige stêd!) bin ik te gau ôfsakke nei Pärnu. In terjochte skop ûnder de kont haw ik alhiel út Grins wei oer de app krigen mei it sizzen dat ik der hieltiten nei útsjoen hie om Estlân, Letlân en Litouwen te besjen dat ik no net mei kûgelsfeart rjochting Poalen moat. Fandêr dat ik op myn deade gemak Pärnu besjoen haw en ek de tiid nommen haw en drink in bierke op it strân.

Moarn sil ik lykwols, nei’t ik faaks earst wer it strân opsykje sil, rjochting Letlân.… Lês fierder

Der is neat fan te sjen op ‘e foto dat it hiele terras in pear oeren lyn (oant in oere as fiif) noch fol siet mei minsken. Gau-eftich hawwe myn saneamde Warmshower-host en ik de boel oprêden. It wie juster nammentlik Midsimmernacht, oftewol Juhannus, wat yn Finlân in like grut feest is as kryst. Ik mocht dat meimeitsje by in Australiër dy’t al sân jier yn Helsinki wennet en in nustje freonen en kollega’s útnûge hie.

Dat my noch it measte docht as dat it in hartstikkene moai feestje wie – mei in soad iten, bier, fjoer, gesellichheid en muzyk – is dat ik it ûnderfine koe mei minsken dy’t ik alhiel net kin.… Lês fierder